"ရှိတယ်"
ကျွန်မမှာ ကျွန်မကိုယ်ကျွန်မ
ချစ်တဲ့စိတ်ထက်
ကျွန်မကို ပိုချစ်တဲ့
မိဘနှစ်ပါးရှိတယ်။
ကျွန်မမှာ ကျွန်မကိုယ်ကျွန်မ
ဂရုစိုက်တဲ့စိတ်ထက်
ကျွန်မကို ပိုဂရုစိုက်တဲ့
ဆွေမျိုးတွေရှိတယ်။
ကျွန်မှာ ကျွန်မကိုယ်ကျွန်မ
နားလည်တဲ့စိတ်ထက်
ကျွန်မကို ပိုနားလည်တဲ့
သူငယ်ချင်းတွေရှိတယ်။
ကျွန်မမှာ ကျွန်မကို
သမီးတစ်ယောက်လိုချစ်တဲ့
မွေးစားမိဘတွေရှိတယ်။
ကျွန်မမှာ ကျွန်မကို
တူမတစ်ယောက်လိုချစ်တဲ့
မွေးစားဦးလေး၊ဒေါ်လေးတွေရှိတယ်။
ကျွန်မမှာ ကျွန်မကို
ညီမ၊အစ်မတစ်ယောက်လိုချစ်တဲ့
ညီအစ်ကို၊ မောင်နှမတွေရှိတယ်။
ကျွန်မမှာ ကျွန်မကို
အရသာမျိုးစုံပေးတဲ့
ပတ်ဝန်းကျင်ရှိတယ်။
……….
ကျွန်မမှာ ရင်ဖွင့်တိုင်ပင်ဖို့
ကျွန်မ မိဘနှစ်ပါးရှိတယ်။
ကျွန်မမှာ ဆွေးနွေးဖို့
ကျွန်မ ဆွေမျိုးတွေရှိတယ်။
ကျွန်မမှာ ပျော်ပါးဖို့
ကျွန်မ သူငယ်ချင်းတွေရှိတယ်။
ကျွန်မမှာ အားကိုးဖို့
မွေးစားမိဘတွေရှိတယ်။
ကျွန်မမှာ ချွဲဖို့
မွေးစားဦးလေး၊ဒေါ်လေးတွေရှိတယ်။
ကျွန်မမှာ ရန်ဖြစ်လိုက်၊
ပြန်ချစ်လိုက် နေဖို့
ညီအစ်ကို၊ မောင်နှမလို
သူငယ်ချင်းတွေရှိတယ်။
ကျွန်မမှာ အထီးကျန်မဆန်ဖို့
အရသာမျိုးစုံပေးတဲ့
ပတ်ဝန်းကျင်ရှိတယ်။
……….
ကျွန်မမှာ ဒီလူတွေပဲရှိလို့
မပြည့်စုံသေးဘူးလို့
ဘယ်သူပြောမလဲ…
ကျွန်မ သူတို့တွေကြောင့်
ပြည့်စုံခဲ့ပြီ။
ကျွန်မမှာ ပြည့်စုံတဲ့
ကျွန်မ ရှိတယ်။
No comments:
Post a Comment