"ကျွန်မရဲ့ ရည်မှန်းချက်"
မနှစ်က ကျွန်မတို့ကျောင်းမှာ "My Ambition" ခေါင်းစဉ်နဲ့ စာစီစာကုံးရေးပြီး တင်ရတယ်။ အခုတော့ အဲဒါကိုပဲ ဘာသာပြန်ကြည့်ပြီး ဒီမှာတင်လိုက်တာ။ ဖတ်ကြည့်ကြပါဦးနော်။ ၂၀၁၁ နိုဝင်ဘာတုန်းက ရေးထားတာလေးပါ။
လူတိုင်းလူတိုင်းမှာ ရည်မှန်းချက်ဆိုတာ ရှိကြမှာပါ။
ဒါပေမယ့် ကျွန်မတွေ့ဖူးတဲ့ လူတစ်ချို့ကျတော့ ရည်မှန်းချက်ဆိုတာ ဘာမှန်းတောင် သေချာမသိကြဘူး။
ကျွန်မနားလည်တာကတော့ ရည်မှန်းချက်ဆိုတာ တစ်ခုခုကို အောင်မြင်မှုရအောင်လုပ်တာ၊ ပိုင်ဆိုင်ရအောင်လုပ်တာ၊
ရည်မှန်းထားတာတွေကို အကောင်အထည်ဖော်တာလို့ ထင်တယ်။ ကျောင်းသူ၊ကျောင်းသားတိုင်းဟာ ကိုယ့်ရည်မှန်းချက်တွေကိုယ်စီနဲ့
ဘဝကို ဖြတ်သန်းနေကြတယ်။ တစ်ချို့ရည်မှန်းချက်တွေက အတိတ်မှာကတည်းက ရှိနေခဲ့တာဆိုပေမယ့်
အခုလက်တလောမှ ပေါ်လာတာတွေလဲ ရှိကြပါတယ်။ ကျွန်မတို့ကျောင်းမှာတော့ ရည်မှန်းချက် ကြီးကြီးမားမားတွေ၊
ခိုင်ခိုင်မာမာတွေနဲ့ ရှေ့ဆက်နေကြတယ်။
ကျွန်မမှာလည်း သူတို့နည်းတူ ရည်မှန်းချက်တော့
ရှိပါတယ်။ ကျွန်မက ငယ်ငယ်တုန်းက အိမ်ဆောက်တာတို့၊ အိမ်ပုံဆွဲတာတို့ကို ဝါသနာထုံခဲ့တဲ့
သူတစ်ယောက်ပါ။ ဒါကိုပဲ အရင်းခံပြီး ဖြစ်လာတဲ့ဦးဆုံး ရည်ရွယ်ချက်လေးကတော့ အင်ဂျင်နီယာ
တစ်ယောက်ဖြစ်ချင်ခဲ့တာပေါ့။ ဒီရည်မှန်းချက်က ကျွန်မရဲ့လက်ထဲကို ရောက်လာခါနီးမှ အမေကရိုက်ချလိုက်လို့
လွတ်ကျခဲ့ရတယ်။ တကယ်ပါ…အဲဒီ့တုန်းက ကျွန်မရဲ့ အိမ်မက်ကို နင်းချေခဲ့တဲ့သူလို့တောင်
ယူဆခဲ့ပါတယ်။ ရည်မှန်းချက်ဆိုတာ တစ်ခုတည်းပဲရှိရတယ်လို့ ပြောကြတဲ့အတိုင်းပေါ့။ ကျွန်မလဲ
လွတ်ကျခဲ့တဲ့ ရည်မှန်းချက်ကိုပဲ တမ်းတမက်မောနေခဲ့တယ်။ ဒါပေမယ့် အမေကပဲ အဝေးသင်ကို ပြောင်းတက်ဖို့အတွက်
လိုက်လုပ်ပေးခဲ့တယ်။
မေဂျာရွေးတော့လဲ တက်ချင်တာက မြန်မာစာတို့ ရှေးဟောင်းသုတေသနတို့
ကျလာတာက English. လွဲပြန်ပါပြီ နောက်တစ်ခါ။ အဖေကသူ့လို English ကောင်းစေချင်တော့ အမေရိကန်စင်တာမှာ
တက်ဖို့ပြောတယ်။ ဟော…ကျွန်မ မှုန်မှုန်ဝါးဝါးနဲ့ ရည်မှန်းချက်အသစ် တစ်ခုကို မြင်တွေ့လိုက်ရပါပြီ။
အဲဒါက နည်းနည်းတော့ ခက်တယ်။ နိုင်ငံခြားမှာ ကျောင်းသွားတက်ဖို့လေ။ ဟိုမှာ အလုပ်လုပ်ရင်း
ကျောင်းတက်မယ်ပေါ့။ စိတ်ကူးကတော့ အလာပဲ။ အမေရိကန်စင်တာမှာ ကျွန်မဘာကို စိတ်ဝင်စားလဲဆိုတာ
ရှာဖွေနေတုန်းမှာပဲ အိမ်က အဝေးသင်စာမေးပွဲ သွားဖြေခိုင်းတယ်။ ဖြေဆိုတော့လဲ ဖြေလိုက်တာပေ့ါ။
ဘာခက်လို့လဲ။
ဒီလိုနဲ့ အဲဒီမှာအချိန်တွေကို ကုန်ဆုံးစေရင်း
ကြာလာတော့ (၂)လ ပညာတော်သင်သွားဖို့ အရွေးခံရတယ်။ ဒီတစ်ခါတော့ ဘယ်သူကပဲရိုက်ချရိုက်ချ
လက်ထဲမှာမလွှတ်တမ်း ဆုပ်ကိုင်ထားလိုက်တယ်။ အတွေ့အကြုံရအောင် သွားဖြစ်ခဲ့တယ်။ သွားသာသွားတယ်။
ကိုယ်ဘာလို့သွားခဲ့လဲဆိုတာ အခုချိန်ထိ သေချာကိုမသိခဲ့ဘူး။ ဒါပေမယ့်…ဗဟုသုတတွေ၊ အတတ်ပညာတွေကို
တိုးပွားအောင်လုပ်နိုင်ခဲ့လို့ ကိုယ့်ကိုကိုယ်တော့ နည်းနည်းကျေနပ်မိတယ်။ ဟိုကပြန်လာတော့
ဟိုမှာမက်ခဲ့တဲ့ အိမ်မက်က ကပ်ပြီးပါလာတယ်လို့ ပြောလို့ရသလို အိမ်မက်တစ်ခုတည်းကိုပဲ
နှစ်ခါပြန်မက်တယ်လို့လဲ ပြောလို့ရတယ်။
အဲဒီ့ကျောင်းမှာပြန်ပြီး ကျောင်းတက်ဖို့လေ။
ကျွန်မကို ကျွန်မရှာဖွေတွေ့ရှိခဲ့တာက ပျောက်ကွယ်တော့မယ့် လူမျိုးစုတွေရဲ့အကြောင်းကို
လေ့လာချင်တယ်ဆိုတာပဲ။ ဒါက ကျွန်မနဲ့ အသင့်တော်ဆုံးဘာသာရပ်လို့ ကျွန်မယုံကြည်တယ်။ ဒါပေမယ့်
ကျွန်မငယ်ငယ်ကတည်းက ဆုံးဖြတ်ထားတဲ့အရာတစ်ခုကတော့ ဘယ်တော့မှပျောက်ကွယ်သွားမှာမဟုတ်ပါဘူး။
"ပညာတွေသင်ယူပြီးသွားရင် ကိုယ့်ဗမာနိုင်ငံကို ကိုယ်ပြန်လာမယ်။"
"မလွမ်းတတ်တဲ့ ကျွန်မတောင် ဟိုမှာခဏလေးသွားနေရတော့
ကျွန်မတို့ဗမာနိုင်ငံရဲ့ ရိုးရာအမွေအနှစ်တွေ၊ ဓလေ့တွေ၊ ယဉ်ကျေးမှုတွေနဲ့ ပွဲတော်တွေကို
လွမ်းဆွတ်တမ်းတမိပါရဲ့။"
နရီ
No comments:
Post a Comment