"စာမျက်နှာများထဲက စာမျက်နှာ"
ဒီစာလေးကတော့ ကျွန်မနဲ့ ကျွန်မရဲ့ သူငယ်ချင်းကြီးတို့ အတူတူရေးဖြစ်ခဲ့တဲ့ စာမျက်နှာရဲ့ အဆက်လဲဖြစ်သလို…အချိန်ရလျှင်ပြောပြပါဦးမည်ဟု ကျွန်မကဗျာတစ်ပုဒ်တွင် ပြောထားခဲ့သော စကားနဲ့အညီ ရေးသားလိုက်ခြင်းဖြစ်ပါသည်။ ဖတ်ကြည့်ကြပါနော်…..း)
သူငယ်ချင်း သူသူနဲ့ ဖြတ်သန်းခဲ့တဲ့ စာမျက်နှာတွေထဲမှာ
စာမျက်နှာတစ်ခုကလည်း အကြီးကျယ်ဆုံးနဲ့ အခမ်းအနားဆုံး ဖြစ်ခဲ့ပါတယ်။ ဒီစာမျက်နှာကို
ဘယ်သူက စရေးလဲဆိုတာကိုတော့ သေချာမသိလိုက်ရပေမယ့် သူသူက ကျွန်မကို "ငါဒီဇာတ်လမ်းကို
စရေးနေပြီ" ဆိုပြီးရင်ဖွင့်လာခဲ့တယ်။ ကျွန်မကလည်း ဘာမှမပြောမိပါဘူး။ သူသူ တစ်ယောက်တည်း
လွတ်လွတ်လပ်လပ်ရေးပါစေ ဆိုပြီး ကျွန်မဝင်မပါခဲ့ပါဘူး။ ဒါပေမယ့် ဇာတ်ကောင်က ကျွန်မကို
ပါဝင်ဖို့ဖိတ်ခေါ်လာခဲ့တယ်။
ဇာတ်ကောင်က "ဝတ္ထုကို နှစ်ယောက်ရေးမှ အသက်ပိုဝင်မှာ"လို့ပြောလာခဲ့တော့
ကျွန်မလဲ ဒီအတိုင်း ဘယ်နေမိတော့မလဲ။ ကျွန်မက ဇာတ်ကောင်ကို စိတ်ဝင်စားရုံပဲ ရှိသေးတော့
တော်သေးပါတယ်။ ဒါပေမယ့်…ကျွန်မ သူငယ်ချင်းကတော့ သူ့ကိုကြိုက်နေပြီလေ။ ဇာတ်ကောင်က သူသူ့အပေါ်
တုံ့ပြန်မှုမရှိတော့ သူ ဝမ်းနည်းခဲ့ရတယ်။ သူ ငိုခဲ့ရတယ်။ သူ စိတ်မကောင်းဖြစ်ခဲ့ရတယ်။
ဒါတွေကို ကျွန်မ သိပါတယ်။ ကျွန်မကိုယ်တိုင်ပဲ သူ့ကို ချော့ခဲ့ရတယ်။ ကျွန်မ သူငယ်ချင်း
ဘယ်လောက်ခံစားနေရလဲ ဆိုတာကို ကျွန်မမြင်ရုံနဲ့ သိပါတယ်။
ဒါကြောင့်လည်း ကျွန်မအဲဒီ့ဇာတ်ကောင်ကို တော်တော်မုန်းမိတယ်။
နာကျည်းမိတယ်။ ကူညီဖို့အတွက် ကျွန်မဝန်မလေးပါ။ သူတို့နှစ်ယောက် အဆင်ပြေဖို့အတွက် ကျွန်မလုပ်ပေးချင်ခဲ့ပါတယ်။
အဲဒီ့တုန်းက ဘာလို့ "ဒါပေမယ့်" ဆိုတဲ့စကား ကျွန်မစိတ်ထဲမှာ ပေါ်လာရတာလဲ။ ကျွန်မစဉ်းစားရင်
ခေါင်းတွေရှုပ်လို့ ကျွန်မ ပေါ့ပေါ့ပါးပါးပဲ ထားခဲ့လိုက်တယ်။
ဘယ်တုန်းက ပြောင်းသွားမှန်းမသိတဲ့ အရောင်တွေ…ကျွန်မ
ရင်ထဲကိုရောက်လာခဲ့တယ်။ အမုန်းတွေမဟုတ်တော့တဲ့ အချစ်တွေရောက်လာခဲ့တယ်။ နာကျည်းမှုတွေ
ပျောက်ကွယ်ပြီး ကြင်နာမှုတွေရောက်လာတယ်။ ဩော်…ကျွန်မ အဲဒီ့ဇာတ်ကောင်ကို ချစ်မိနေပြီလား။
ဟုတ်ပါတယ်…ကျွန်မဝန်ခံပါတယ်။ ကျွန်မကိုယ်တိုင်မေးပြီး ကျွန်မကိုယ်တိုင်ဖြေလိုက်ပေမယ့်
အဲဒီ့ဇာတ်ကောင် ကျွန်မရဲ့အဖြေကိုကြားသွားပါတယ်။
အဲဒီ့တုန်းက အချစ်ကို သိပ်အလေးမထားတတ်တဲ့ စိတ်ကြောင့်ပဲလားတော့
မသိဘူး။ ဒီအတိုင်း ပြီးသွားမှာပါလေလို့ စဉ်းစားပြီး နေခဲ့လိုက်တယ်။ နောက်တော့ ကျွန်မ
ပညာတော်သင်ခဏသွားရတယ်။ အဲဒီ့တော့ ကျွန်မရဲ့ သူငယ်ချင်းကို တစ်ယောက်တည်း ထားခဲ့ရတယ်။
သိပ်တော့စိတ်မချပေမယ့် သူ့အဒေါ်ရှိနေတော့ ကျွန်မ စိတ်တော့မပူမိခဲ့ဘူး။ ဟိုရောက်ပြီး
သိပ်မကြာလိုက်ဘူး။ သူသူ့အဒေါ် ဆုံးသွားတယ်ဆိုတဲ့သတင်းကို ကြားလိုက်ရတယ်။ ကျွန်မ သူငယ်ချင်းဘယ်လောက်တောင်
စိတ်အားငယ်လိုက်မလဲ၊ ဘယ်လောက်တောင် ဝမ်းနည်းလိုက်မလဲ ဆိုတာ ကျွန်မ သိပါတယ်။
တကယ်ပါ…ကျွန်မ သူ့အနားမှရှိနေသင့်တယ်။ ဘယ်လိုမှမဖြစ်နိုင်မှန်းသိလျက်နဲ့
ကျွန်မ သူသူ့ကို ဝမ်းမနည်းဖို့ပဲ နှစ်သိမ့်ခဲ့တယ်။ အဝေးတစ်နေရာကနေ ကျွန်မလုပ်ပေးနိုင်တာ
ဒီတစ်ခုပဲရှိတယ်လေ။ ကျွန်မ သွားရတာ သိပ်မကြာလို့တော်သေးတယ်။ ပြန်လာတာနဲ့ သူသူနဲ့ အချိန်တွေကို
ပုံမှန်အတိုင်းပြန်လည် ဖြတ်သန်းကြတယ်။
တစ်ယောက်နဲ့ တစ်ယောက် အကူအညီလိုရင် အဆင်သင့်ပဲ။
ကျောင်းပျက်ပြီး ကူညီခဲ့ကြတယ်။ သူသူ ရေးလက်စဖြစ်နေတဲ့ ဇာတ်လမ်းကိုလဲ သူဆက်ရေးဖို့အကြံတောင်းတယ်။
ကျွန်မ သူငယ်ချင်းပျော်ရွှင်နေရင် ပြီးတာပဲဆိုတဲ့ စိတ်တစ်ခုတည်းနဲ့ ကျွန်မခွင့်ပြုလိုက်တယ်။
အဲဒီ့ဇာတ်ကောင်ကိုလည်း ကျွန်မစိတ်မဝင်စားတော့ဘူးလေ။ ကျွန်မ မှာလည်း ချစ်ရမယ့်သူရှိနေပြီ
ဆိုတော့ အေးဆေးဖြစ်သွားပြီလို့ပဲ ပြောရမလား။ အဲဒီ့ဇာတ်ကောင်ကို ကျွန်မရင်မခုန်တော့ပါ။
အရင်ကလိုပဲ…ဇာတ်ကောင်နဲ့ အဆက်အသွယ်ရှိနေတော့
မျက်နှာချင်းဆိုင်တော့ တွေ့မိကြတာပေါ့။ တစ်နေ့တော့ ဇာတ်ကောင်ရဲ့ ကြိုတင်ကြံရွယ်မှုအကွက်ထဲကို
ကျွန်မရောက်သွားတယ်။ ဇာတ်ကောင်က ကျွန်မကို အကြွေးပြန်တောင်းတာပါတဲ့။ ကျွန်မဖြေလိုက်တဲ့
အဖြေအတွက် ကလဲ့စားပြန်ချေတာပါတဲ့။ ဒါပေမယ့်…ဇာတ်ကောင်က တန်ရာတန်ကြေးပဲ ပြန်ယူသွားရင်တော့
ကျွန်မဘာမှမပြောလိုပါဘူး။ အခုတော့ အမြတ်ပါရသွားတယ်။
ကျွန်မကသာ ဒီလိုစကားမျိုးတွေသုံးလိုက်တာ ဇာတ်ကောင်ကတော့
ပျော်ပျော်ကြီး ပြုံးနေတာကို တစ်နေ့တစ်နေ့တွေ့နေတယ်။ ဒီကိစ္စကို ကျွန်မ သူသူ့ကိုပြောပြလိုက်မိတယ်။
နောက်ပိုင်းမှာ ကျွန်မ ဇာတ်ကောင်ကို ပိုပြီး စိတ်ဝင်စားလာခဲ့တယ်။ ကျွန်မရဲ့ဇာတ်လမ်းတွေကို
တစ်ခုမကျန်သိနေပါလျက်နဲ့များ ဒီလိုလုပ်ရတယ်လို့။ သိနေပါလျက်နဲ့ စည်းကျော်ဖို့ပြင်လာတော့
ကျွန်မ အံ့ဩမိတယ်။ မယုံကြည်နိုင်ခဲ့ဘူး။
ကျွန်မနဲ့ ဒီဇာတ်ကောင်ကြားမှာ ဆက်သွယ်မှုတစ်ခုခုတော့
ရှိနေပြီ။ ဒါပေမယ့်… အဲဒါဘာလဲဆိုတာကို ကျွန်မရှာမတွေ့ခဲ့ဘူး။ ကျွန်မ မချစ်တဲ့သူ လက်လာကိုင်ရင်တောင်
ပြန်ပြီးရန်တွေ့တတ်သူ၊ ကျွန်မ မချစ်တဲ့သူက အနမ်းခြွေရင်တော့ ပါးကျိုးသွားအောင်ရိုက်တတ်သူ။
အခုတော့…ဒီဇာတ်ကောင်ရဲ့ "အကြွေးပြန်တောင်းတာပါ" ဆိုတဲ့ စကားလုံးတွေအောက်မှာ
ငြိမ်သက်စွာမျက်စိမှိတ်နေခဲ့တယ်။
ကျွန်မ အဲဒီ့ဇာတ်ကောင်ကို ချစ်နေသေးတာလား။
ဒါမှမဟုတ် ကိုယ်မှားခဲ့တဲ့အမှားအတွက်ပဲ ပြန်ပေးဆပ်ခဲ့တာလား။ ဘာတွေလဲဆိုတာ ကျွန်မ မတွေးနိုင်တော့ဘူး။
ကျွန်မမှာ ချစ်သူရှိနေလျက်နဲ့များ ဘာလို့ဒီဇာတ်ကောင်ကို မငြင်းခဲ့မိတာပါလိမ့်။ သူသူ့အပေါ်မှာလဲ
ကျွန်မ သစ္စာမရှိသလိုဖြစ်သွားပြီ။ ကျွန်မ ဒီဇာတ်ကောင်ကို ဘယ်လိုလုပ်ရပါ့မလဲ။ စဉ်းစားလည်းအဖြေကို
ရှာမတွေ့ခဲ့ဘူး။ ဒီဇာတ်လမ်းမှာ အဖြေကော ရှိနေလို့လား။
ဇာတ်ကောင်က ဆက်ပြီး သရုပ်ဆောင်ချင်နေပေမယ့်
ကျွန်မပဲ ဒီစာမျက်နှာကို အဆုံးသတ်လိုက်တယ်။ ဟုတ်ပါတယ်…နှစ်ယောက်အတူတူ ရေးခဲ့ကြပေမယ့်
အဆုံးသတ်ကိုတော့ ကျွန်မကပဲရေးလိုက်တယ်။ ကျွန်မ သူငယ်ချင်းကို ထပ်ပြီးခံစားရအောင် ကျွန်မ
မလုပ်ချင်တော့ပါ။ ထပ်ပြီး ခံစားရမှာကိုလဲ မကြည့်ရက်တော့ပါ။
ကျွန်မအပေါ်မှာ အဲလောက်ထိနားလည်မှုရှိခဲ့တဲ့
သူသူ့ကို ကျွန်မ ဖုံးကွယ်ထားတာ တစ်ခုရှိပါသေးတယ်လို့ ကျွန်မ တစ်နှစ်လောက်ကြာတော့မှ
ပြောခဲ့ပါသေးတယ်။ သူသူ့ကိုမေးတော့ ဇာတ်ကောင်အပေါ်မှာ သူဘာခံစားချက်မှမရှိတော့ပါဘူးတဲ့။
ဒါကြောင့်လည်း ကျွန်မ ရင်ဖွင့်ခဲ့ပါတယ်။ ကျွန်မဘယ်သူ့ကိုမှပြောပြမထားတဲ့ ခံစားချက်တစ်ခု
ထွက်ကျလာခဲ့တယ်။
ကျွန်မနဲ့ ဇာတ်ကောင် သူသူ မသိဘဲ ဇာတ်လမ်းတစ်ပုဒ်
ရေးဖြစ်ခဲ့ကြပါသေးတယ်။ ကျွန်မ အဆုံးသတ်ကိုတစ်ယောက်တည်း ရေးလိုက်တယ်ဆိုတာကလဲ အဲဒီ့ဇာတ်လမ်းကိုရေးလိုက်တာပါ။
သူသူနဲ့ လက်တစ်ကမ်းအလိုမှာ ရေးခဲ့တဲ့ ဇာတ်လမ်းတစ်ပုဒ်ဖြစ်နေတော့ သူသူ ပိုဝမ်းနည်းသွားတယ်။
သူသူ မျက်ရည်တွေကျလာတာကို တွေ့လိုက်ရတော့ ကျွန်မ တော်တော်အံ့ဩသွားတယ်။ ကျွန်မ မထင်ထားခဲ့ဘူးလေ။
ကျွန်မ အဲလို့ဖြစ်မှာစိုးရိမ်လို့ကို သေချာအောင်မေးပြီးမှ ပြောပြတာ။ ဒါတောင် ဒီလိုလာဖြစ်နေသေးတယ်။
ကျွန်မတို့ကျောင်းတက်တုန်းက ဖြစ်ခဲ့တဲ့ ကိစ္စလေးဆီ
အတွေးတွေပြန်ရောက်သွားတယ်။ အခုတစ်ခါနဲ့ဆို နှစ်ခါတောင်ရှိပြီ။ ဒါကြောင့်…ကျွန်မဆုတောင်းလိုက်မိတယ်။
နောက်နောင် ဒီလိုအဖြစ်မျိုးတွေ မကြုံတွေ့ရပါစေနဲ့လို့။ အကယ်၍ ဒီလိုအဖြစ်မျိုးများ ကံမကောင်းလို့ဖြစ်လာမယ်
ဆိုရင်လည်း ကျွန်မဘက်က အပြည့်အဝ နောက်ဆုတ်ပေးဖို့ စဉ်းစားထားပြီးပါပြီ။ ဒါကလဲ ကျွန်မ
သူသူ့ကို ပေးနိုင်မယ့် လက်ဆောင်တစ်ခုပေါ့။
ကျွန်မ အခုအချိန်အထိ အကြိမ်ကြိမ်စဉ်းစားမိတာက
အဲဒီ့ဇာတ်ကောင်ပါတဲ့ စာမျက်နှာကို ကျွန်မ စာအုပ်ကနေ ပယ်ဖျက်ဖို့ပါပဲ။ ဒါပေမယ့်…ကျွန်မ
မလုပ်နိုင်ခဲ့ဘူး။ ဘယ်တော့မှလဲ လုပ်နိုင်မယ်မထင်ဘူး။ ဘာဖြစ်လို့လဲဆို…..ကျွန်မအရမ်း
ခင်ရတဲ့ ကျွန်မရဲ့ သူငယ်ချင်း သူသူကလည်း ဒီစာမျက်နှာရဲ့ ဇာတ်ကောင်တစ်ယောက် ဖြစ်နေလို့ပါ။
No comments:
Post a Comment