အတူတူရေးဖြစ်ခဲ့တဲ့ စာမျက်နှာတွေ

"အတူတူရေးဖြစ်ခဲ့တဲ့ စာမျက်နှာတွေ"

ကျွန်မနဲ့ ကျွန်မအခင်ဆုံးသူငယ်ချင်း သူသူနဲ့ စပြီးသိတာကတော့ ၆တန်းနှစ်မှာပါ။ သူသူက စမ်းချောင်း (၂)ကို နယ်ကပြောင်းလာတဲ့ကျောင်းသူ။ ကျွန်မက ၄တန်းကတည်းကတက်လာတဲ့သူ။ စမ်းချောင်း (၂)က မိန်းကလေးကျောင်းဆိုတော့ လူတိုင်းသိကြတဲ့အတိုင်းပဲ တော်တော်သောင်းကျန်းတဲ့ နာမည်ကြီးကျောင်းသူတွေစုနေတယ်။ ကျောင်းတက်တုန်းက အတူတူဖြတ်သန်းခဲ့တဲ့ နေ့တွေကမရေမတွက်နိုင်ဘူး။ အဲဒီ့နေ့ရက်တွေက အခုဆိုပြန်ပြောပြလဲ မရိုးနိုင်မဟောင်းနိုင်တဲ့ နေ့ရက်တွေဖြစ်နေပြီ။ သူသူနဲ့ ကျွန်မရဲ့ အမှတ်တရဇာတ်လမ်းတွေထဲက ထူးခြားဖြစ်စဉ်လေးတွေကိုတော့ ကျွန်မဘယ်တော့မှမေ့သွားမှမဟုတ်ဘူး။

ယောက်ျားလေးတွေ ဘော်လုံးချိန်းကန်သလိုပဲ ကျွန်မတို့လဲ ချိန်းပြီး ကြိုးခုန်ကြတယ်။ ၆ တန်းအားလုံးနီးပါး အတန်းလိုက်ပြ်ိုင်ကြတာ။ ဒီလိုပဲ သူနိုင်လိုက် ကိုယ်နိုင်လိုက် ရန်ဖြစ်လိုက်နဲ့ အချိန်တွေကုန်ခဲ့ကြတယ်။ ၇တန်းနှစ်ရောက်တော့ ကျောင်းရှေ့မျက်နှာစာမှာ မကစားရဘူးလို့ ပြောထားလဲ ကျွန်မတို့က ဆရာမ မဝင်တဲ့အချိ်န်မှာကြိုပြီးထမင်းစားထားကြတယ်။ ထမင်းစားကျောင်းဆင်းတာနဲ့ စပြီး ကစားတော့တာပဲ။ အဲဒီ့တုန်းကဆို ကျွန်မတို့နှစ်ယောက် အမြဲတမ်းလိုလို တစ်သင်းတည်းကျအောင် လုပ်ယူကြတယ်။

ကျွန်မတို့နှစ်ယောက် ဒီလိုပဲ ပျော်ပျော်ရွှင်ရွှင်နဲ့ ကစားရင်းအချိန်တွေကုန်မယ်လို့ပဲ ထင်ခဲ့ပေမယ့် သူသူက ကျွန်မရဲ့အိမ်မက်တွေကို ဖျက်စီးလိုက်တယ်။ သူစော်စထားတာ အဲဒီ့ ၇တန်းနှစ်ပေါ့။ ကျွန်မတို့ကျောင်းမှာခေတ်စားတာက စော်ကိစ္စတွေ။ ဒါပေမယ့် အဲဒီ့အချိန်တုန်းက ကျွန်မ စော်လဲမသိ ဘဲလဲမသိခဲ့တဲ့ အရွယ်ပေါ့။ ကျွန်မက သူငယ်ချင်းတွေနဲ့အတူတူ ကစားဖို့ကိုပဲ အားသန်နေခဲ့တယ်။ သူသူ့ကို သူများဆီပေးလိုက်ရမှာကို မလိုလားဘူး။ တကယ်တော့ ထမင်းစားကျောင်းဆင်းရင် သူသူ့ကို သူ့စော်ကလာပြီးခေါ်တယ်။ ပြီးရင်မုန့်ဝယ်စားကြတယ်။ ကျောင်းတစ်ပတ်လမ်းလျှောက်ကြတယ်။ ကျွန်မကိုထားပြီး အဲလိုသွားတာကို ကျွန်မ မလိုလားဘူး။

ဒါပေမယ့် ကျွန်မ သူငယ်ချင်းကိုတော့ ကျွန်မ မဆုံးရှုံးခဲ့ပါဘူး။ သူကလဲ ကစားတာကိုပိုပြီး မက်မောတဲ့ လူတစ်ယောက်ဖြစ်နေလို့ပေါ့။ ဒီလိုနဲ့ ကျွန်မတို့ ၈တန်းလို့ခေါ်တဲ့ အလယ်တန်းရဲ့ အကြီးဆုံးအတန်းကိုရောက်လာခဲ့ကြတယ်။ အဲဒီ့မှာလည်း အခန်းတူတော့ ပိုပြီးသောင်းကျန်းကြတာပေါ့။ အတန်းထဲမှာ ဆရာမ မဝင်တဲ့အချိန်တွေဆို ကျွန်မတို့ ထုံးစံအတိုင်း ဘော်လုံးကန်ကြတယ်။ ဒီတစ်ခါက တန်းခွဲ (က)နဲ့ (ဂ) ချိန်းပွဲကန်ကြတာ။ အဲဒီ့စာသင်နှစ်က ပျော်ရွှင်စရာတွေကြီးပဲလေ။

သူသူနဲ့ တခြားသူငယ်ချင်းတွေ ဝိုင်းမြှောက်လို့ ကျွန်မစော်စပြီးထားဖြစ်ခဲ့တယ်။ အတန်းထဲက သူငယ်ချင်းတစ်ယောက်ပါပဲ။ စော်ထားတယ်ဆိုတာ ဘာမှန်းတော့ သေချာမသိပေမယ့် ပျော်ဖို့တော့ကောင်းတယ်ထင်တာပဲ။ သူများတွေမေးသလို ယောက်ျားလေးလိုနေတာလား ဆိုတော့လဲ မဟုတ်ဘူး။ မိန်းကလေးဆန်ဆန်နေတာလား ဆိုတော့လဲ မဟုတ်ပြန်ဘူး။ ဟိုမရောက်ဒီမရောက်တွေပဲ ဖြစ်မယ်ထင်တယ်။ တစ်နေ့တော့ သူသူက ကျွန်မကိုပြောလာတယ်။ သူအတန်းထဲကတစ်ယောက်ကို ကြိုက်တယ်လို့။ သူဘယ်သူ့ကိုကြိုက်တာလဲဆိုတာ ရှာဖွေတွေ့ရှိပြီးတဲ့နောက်တော့ ကျွန်မတော်တော်အံ့ဩခဲ့ရတယ်။

ဘာဖြစ်လို့လဲဆို ကျွန်မစိတ်ဝင်စားနေတဲ့ တစ်ယောက်ပဲဖြစ်နေလို့လေ။ ဒီသူငယ်ချင်းနှစ်ယောက်ကတော့ ဟုတ်နေပါပြီ။ ကျွန်မဘာဆက်လုပ်ရပါ့မလဲ စဉ်းစားတော့ ဒီအတိုင်းဖွင့်မပြောတော့ဘဲ နေလိုက်တာကောင်းမယ်လို့အတွေးရလာတယ်။ ဒါကြောင့် ကျွန်မ သူ့ကိုဒီကိစ္စမပြောပြခဲ့ဘူး။ သူငယ်ချင်းအချင်းချင်း လျှို့ဝှက်တယ်ပဲပြောပြော၊ တစ်ယောက်နဲ့တစ်ယောက် အရေးမစိုက်ဘူးပဲပြောပြောပါ။ ကျွန်မ ခံနိုင်ရည်ရှိပါတယ်။ ဒါပေမယ့် ကျွန်မပြောလိုက်လို့ သူစိတ်ညစ်သွားမှာကိုတော့ ကျွန်မကြည့်မနေနိုင်ဘူးလေ။

ကျွန်မရဲ့ အခင်ဆုံးသူငယ်ချင်း ဆုတောင်းမပြည့်ခဲ့ဘူး။ ကျွန်မတို့နှစ်ယောက် ကြိုက်တဲ့တစ်ယောက်က ကျွန်မကိုဖွင့်ပြောလာခဲ့တယ်လေ။ ကျွန်မက ကျွန်မသူငယ်ချင်းကို အသိမပေးချင်တော့ ဒီကိစ္စကိုအဲဒီ့တစ်ယောက်နဲ့ တိုင်ပင်ခဲ့တယ်။ နောက်ဆုံးတော့ ကျွန်မနဲ့သူနဲ့ ကိစ္စကို ဘယ်သူမှမသိဘဲ ကျွန်မတို့နှစ်ယောက်ပဲသိခဲ့တယ်။ ကျွန်မဘဝမှာ ဘယ်သူမှမသိဘဲကိစ္စတစ်ခုကို လုပ်ဖူးတာ ဒါပထမဦးဆုံးအကြိမ်ပဲ။ အရင်အချိန်တွေတုန်းကဆို ကျွန်မသူငယ်ချင်းတစ်ယောက်မဟုတ် တစ်ယောက်ကတော့ သိတယ်။

သူသူနဲ့ကျွန်မ အခင်အမင်မပျက်ချင်ဘူးလေ။ ဒါကြောင့် ဒီအကြောင်းကို ဖုံးကွယ်ထားတာ ၉တန်းရောက်တဲ့အထိပဲပေါ့။ ၉တန်းမှာတုန်းက ပထမကတော့ အတန်းမတူကြဘူး။ နောက်တော့မှဘာသာရပ်တွေခွဲလိုက်မှ ပြန်တူသွားတယ်။ ကျူရှင်ကလဲ အတူတူတက်ဖြစ်တော့ သံယောဇဉ်ပိုမြဲသွားတာပေါ့။ သူသူက သူကြိုက်တဲ့တစ်ယောက်ဆီက သူလိုချင်တဲ့အဖြေမရတဲ့နောက်ပိုင်း တခြားစော်တွေထားဖြစ်တယ်။ ကျွန်မတို့နှစ်ယောက်ကတော့ လက်တွဲလျက်ပါပဲ။ ဒါပေမယ့်……ကံကသူ့ဘက်ပါတယ်ထင်တယ်။ တစ်ရက်တော့ သူ ကျွန်မတို့နှစ်ယောက်အကြောင်းကို သိသွားတယ်။

သူသိသွားတော့ ကျွန်မကို စိတ်ဆိုးတယ်။ ဟိုတစ်ယောက်ကိုတော့ စိတ်ကောက်တယ်။ ဒါပေမယ့် ကျွန်မသူငယ်ချင်းက သဘောထားပြည့်ဝတယ်လေ။ သူသူက ကျွန်မတို့နှစ်ယောက်ကို ခဏတာ စိတ်ဆိုးတာလောက်ပဲဖြစ်တာပါ။ နောက်တော့လည်း ဒီလိုပဲ ပြန်ခေါ်တာပဲလေ။ သူက သဘောထားပြည့်ဝတယ်။ အရင်လိုပဲ ချစ်ချစ်ခင်ခင်နဲ့ ၉တန်းကိုအောင်မြင်စွာ ဖြေဆိုနိုင်ခဲ့ကြတယ်။ မှတ်မိပါသေးတယ်။ ၉တန်းနှစ်တုန်းက အတန်းထဲမှာ ကြက်တောင်ကစားလို့ ဆရာမတွေက လာဆူကြတဲ့နေ့ကို။ နောက်ပြီး ဓာတုဗေဒ အတန်းအချိန်ဆို ကျောက်ကျောလုပ်စားရတာ။ ဩော်……မေ့တော့မလို့ ဆရာမတောင်ပြိုလက်ဝါးကို။ သူသူနဲ့ ကျွန်မဆို အတန်းထဲမှာ စာအမေးခံရတဲ့ စာရင်းထဲမှာ အမြဲတမ်းထိပ်ဆုံးက။ စာမရလို့ အရိုက်ခံရရင်လဲ ရှေ့ဆုံးကပဲ။

၁၀တန်းနှစ်ကို ဘယ်လိုရောက်လာမှန်းတောင်မသိတော့ဘူး။ ဒီနှစ်ကတော့ သူသူနဲ့ကျွန်မ အတန်းလည်းမတူဘူး ကျူရှင်လည်းမတူဘူး။ ဒါပေမယ့် ကျောင်းမှာတွေ့တာနဲ့ စကားတွေကို ဖောင်ဖွဲ့အောင်ကိုလုပြောကြတယ်။ တစ်လလောက်ကျောင်းတက်ပြီးတော့မှ သူသူတို့တန်းခွဲကို ဖြုတ်ပြီး တခြားအခန်းတွေထဲခွဲထည့်ပေးတယ်။ ဒီလိုနဲ့ပဲ သူသူနဲ့ကျွန်မ အတန်းပြန်တူတယ်။ နှစ်ယောက်က သိပ်ခင်ကြလို့နဲ့တူတယ်။ ဘယ်လိုနည်းနဲ့ပဲဖြစ်ဖြစ် အခန်းပြန်တူကြတယ်။ ဒီနှစ်ကတော့ ရှယ်နှစ်လေ။ ကျောင်းတော်ကြီးမှာ နောက်ဆုံးနေရတဲ့နှစ်ဆိုပြီး ရေလည်သောင်းကျန်းကြတာ။ ပြောရမယ်ဆိုရင်တော့ မသောင်းကျန်းတဲ့နှစ်ကိုမရှိတာပါ။

၁၀တန်းနှစ်မှာ ထူးခြားတဲ့ဖြစ်စဉ်တစ်ခုအကြောင်းပြောဦးမယ်။ သူသူနဲ့ ကျွန်မတို့အဖွဲ့က အတန်းအားတယ်ဆိုတာနဲ့ ကစားကြတာ။ အောက်ထပ်မှာ မြို့နယ်မှူးရုံးခန်းရှိတာသိပေမယ့် အဲဒီ့နေ့က ၃ နာရီမေးခွန်းတွေမဖြေခင် တစ်ရက်။ အတန်းတွေ သန့်ရှင်းရေးလုပ်ကြရင်း၊ ခုံစီကြရင်းနဲ့ ကစားကြတာ။ အောက်ထပ်မှာက ထူးချွန်တွေဖြေနေရတာကိုမသိဘဲ အပေါ်မှာ ကဲချင်တိုင်းကဲနေကြတာ။ သီချင်းတွေဆိုပေးတဲ့သူက ဆိုပေး၊လက်ခုပ်တီးပေးတဲ့သူက တီးနဲ့ နောက်ပြီး ကျွန်မက မင်းသားအက ကနေတာ။ တကယ့်ဇာတ်ပွဲကျင်းပနေတယ်လို့တောင် ထင်ရတယ်။ တခြားအဖွဲ့တွေကလဲ ကျွန်မတို့အဖွဲ့ကို ဂရုတစိုက်နဲ့ အားပေးနေကြတာလေ။

အဲလို ကျွန်မကမင်းသားအက ကလို့ကောင်းနေတုန်း အခန်းတံခါးက ပွင့်လာတယ်။ တခြားသူတွေက ကျွန်မကိုအာရုံစိုက်နေကြတော့ တံခါးဘက်ကို ကျောပေးထားကြတယ်။ အဲဒီ့မှာ ကျွန်မတို့ရဲ့ အတန်းပိုင်ဆရာမက ခါးကြီးထောက်ပြီး မိန့်မိန့်ကြီးပြုံးကြည့်နေတာ။ သွားပါပြီ။ အဓိက တရားခံက ကျွန်မဖြစ်နေပြီလေ။ အားလုံးက ဝိုင်းအားပေးတာဆိုတော့ ခေါင်းဆောင်မင်းသားပေါ့။ ဒီတော့ ဆရာမကဝင်လာပြီး "ဟဲ့……ကေခိုင်ဝင်း၊ နင်က မင်းသားအက ကရအောင် ငါ့အခန်းက ဇာတ်သဘင်ပွဲ နွှဲတဲ့နေရာလား။ အောင်မလေးလေး…… အောက်မှာထူးချွန်စာမေးပွဲတွေရှိတယ်ဆိုတာ နင်တို့မသိကြဘူးလား။ ငါတော့ သေချင်ပါတယ်။ ငါ့အတန်းကလို့တော့ ထင်နေတာ။ ဒါပေမယ့် မသေချာလို့။ အခုတော့လက်ပူးလက်ကျပ်မိပြီ။ ဩော်……နင်က ကရုံတင်မဟုတ်ဘူးနော်။ အဆိုကလဲ ကောင်းသား။ အောက်ထပ်ကနေတောင် နင့်အသံကို ကြားရတာကြည်နေတာပဲ။" လို့ဆူပါလေရော။

ကျွန်မတို့တွေအားလုံး တိတ်ဆိတ်သွားလိုက်ကြတာ ဘာမှတောင်ပြန်မပြောနိုင်ဘူး။ ကျွန်မ ဆရာမကို ငြင်းလိုက်တာတစ်ခုပဲရှိတယ်။ "teacher သမီး သီချင်းဆိုတဲ့အထဲမှာ မပါဘူး။ သူတို့ဆိုပေးလို့ သမီးက ကရုံပဲကတာပါ။" ဒီတော့မှ ဆရာမစိတ်နည်းနည်းပြေသွားပုံရတယ်။ နောက်တစ်ခါဆူညံပူညံလုပ်လို့ကတော့ နင်တို့ကိုရုံးခန်းပို့မယ်လို့ ပြောပြီးထွက်သွားတယ်။ ဟူး…… အဲတော့မှ ကျွန်မတို့အဖွဲ့ အားရပါးရ ရယ်နိုင်ကြတော့တယ်။

အဲဒီ့တစ်ခေါက်က ရုံးခန်းကိုတော့ မရောက်လိုက်ဘူး။ ဒါပေမယ့် ရုံးခန်းကိုမရောက်ဖူးဘဲနဲ့တော့ ကျောင်းကိုအောင်လာတာမဟုတ်တဲ့အထဲမှာ ကျွန်မနဲ့ သူသူပါတယ်။ မှတ်မိသလောက်ကတော့ ၇တန်းနှစ်လို့ထင်တယ်။ ဘော်လုံးပေါက်တိုင်းကစားကြတုန်းကပေါ့။ ကျွန်မနဲ့ သူသူနဲ့က ကစားရင်တစ်ဖွဲ့ထဲ ကျတာကများတယ်။ အဲဒီ့တစ်ခေါက်ကလဲ တစ်ဖွဲ့ထဲပဲလေ။ အဲဒီ့နေ့တုန်းကပေါ့……ကျောင်းရှေ့မှာ မကစားရဘူးလို့ပြောထားလို့ မရှိရှိတဲ့နေရာကို သူများတွေနဲ့ လုပြီးကစားကြရတဲ့နေ့။ လူတွေကလဲ ရှုပ်နေတော့ ကိုယ့်လူသူ့လူ မနည်းခွဲနေရတယ်။ ကျွန်မက သူသူ့ကို အချက်ပြပြီး ဘော်လုံးကိုလှမ်းအပစ် သူကလဲ ဘော်လုံးဘယ်ကိုသွားမယ်ဆိုတာ သိလို့ အဲဒီ့ဘက်လိုအပြေး

ဟိုက်………သွားပါပြီ။ ကျွန်မအားနဲ့ ပစ်လိုက်တဲ့ဘော်လုံးက လမ်းလျှောက်လာနေတဲ့ဆရာမ တစ်ယောက်ရဲ့ ညာဘက်ရင်ဘတ်ကိုသွားထိပါလေရော။ အဲဒီ့အချိန်မှာပဲ ကျောင်းတက်ခေါင်းလောင်းထိုးတာနဲ့ အတန်းထဲကို အကုန်ပြေးဝင်ကြတာပေါ့။ ဘော်လုံးကို ဘယ်သူကောက်လာမလဲဆိုတာတောင် သတိမထားမိလိုက်ဘူး။ အတန်းထဲရောက်တော့မှ (ဃ) တန်းက သူငယ်ချင်းကလာပြီး "ငါ့ကို ခုဏကဆရာမက ဆွဲထားပြီး ဘယ်အတန်းကလဲလို့ ကြည့်သွားတယ်ဟ"လို့ပြောတယ်။ ကျွန်မနဲ့သူသူက "အရေးမကြီးပါဘူးဟာ။ မတော်တဆထိမိသွားတာပဲဟာကို။ တမင်သူ့ကိုချိန်ပစ်တာမှ မဟုတ်တာ" ဟုသာ သူစိတ်ချမ်းသာအောင်ပြောလိုက်သည်။

တကယ်တော့………ပြဿနာကတက်တာမှတကယ့်ပြဿနာပဲ။ အတန်းတက်ပြီးလို့သိပ်မကြာလိုက်ဘူး။ ဆရာမတွေရောက်လာတယ်။ ဘာကိစ္စများဖြစ်လို့လဲဆိုပြီး ကြည့်လိုက်တော့ ခုဏကလာပြောသွားတဲ့ သူငယ်ချင်းလဲပါလာတာတွေ့လိုက်တယ်။ ကျွန်မနဲ့သူသူ့ကို အတန်းရှေ့ထွက်ခဲ့ဖို့ခေါ်တော့ သူတို့နောက်လိုက်ခဲ့ကြတယ်။ နောက်တော့ ကျောင်းအုပ်ဆရာမကြီးက တွေ့ချင်ပါတယ်ဆိုလို့ ကျောင်းအုပ်ကြီးရုံးခန်းကို လိုက်သွားကြရတယ်။

ဟိုရောက်တော့ ကျွန်မဘော်လုံးနဲ့ပစ်ပေါက်လိုက်မိတဲ့ ဆရာမကရောက်နေပြီ။ သိလိုက်ပါပြီ။ ကျွန်မတို့တော့ အပြစ်ပေးခံရတော့မယ်ဆိုတာ။ ကံမကောင်းချင်တော့ ဘော်လုံးကိုပစ်လိုက်တာ ဘယ်သူလဲလို့ စပြီးမေးပါလေရော။ ကျွန်မကလဲ အမှန်အတိုင်းဝန်ခံလိုက်ပါတယ်။ ဒါပေမယ့် ဟိုဆရာမက မကျေနပ်လို့လာတိုင်တာတဲ့။ နောက်တော့ ထပ်မေးတယ်။ ဘာဖြစ်လို့ဆရာမကို ထိသွားတာကို ဘာလို့ပြန်မတောင်းပန်တာလဲတဲ့။ ဒါကတော့ ကျွန်မရဲ့အမှားဖြစ်သွားပြီပေါ့။ ကျောင်းတက်ခေါင်းလောင်းထိုးလို့ပါလို့ ကျွန်မပြန်ဖြေလိုက်တော့။ အဲ့ဒီ့တုန်းက တောင်းပန်တဲ့ကျောင်းသူက သူပစ်တာမဟုတ်ဘဲနဲ့ သူလာတောင်းပန်သွားတယ်တဲ့။

ကျွန်မစိတ်ထဲမှာတော့ ဘာပဲဖြစ်ဖြစ် ဘယ်သူကပဲ တောင်းပန်တောင်းပန်ပေါ့။ ပြန်တောင်းပန်ရင် ပြီးနေတဲ့ဟာကိုပဲ ဘာတွေရှည်နေတာလဲမသိဘူးလို့ ပြောနေမိတယ်။ ခဏကြာတော့ ဒု - ကျောင်းအုပ်က "ကဲ…ကဲ…တော်ပြီ။ နင်တို့ကဆရာမကို တောင်းပန်လိုက်။ နောက်ဆို ဒါမျိုးမဖြစ်စေရပါဘူးလို့ ကတိပေးလိုက်။ ဟုတ်ပြီလား" လို့ပြောတော့မှပဲ ကျွန်မတို့နှစ်ယောက် ရင်အေးရတယ်။ တောင်းပန်ပြီးတော့လဲ ဆရာမက သိပ်ကျေနပ်ပုံမရသေးတဲ့ပုံပဲ။ ကျွန်မနဲ့ သူသူ့ကို လက်မှတ်ထိုးခိုင်းသေးတယ်။ နောက်တစ်ခါဒီလိုထပ်ဖြစ်ရင် မိဘခေါ်မယ်ပေါ့။ ကျွန်မတို့နှစ်ယောက်လည်း ဘာမှတုံ့ဆိုင်းမနေဘဲ မြန်မြန်လက်မှတ်ထိုးပေးပြီး ပြန်လာခဲ့ကြတယ်။

အဲဒီ့ဆရာမနဲ့ ရေစက်ဘယ်လောက်ပါလဲဆိုရင်……၈တန်းနှစ်မှာ သူက ကျွန်မတို့အခန်းကို ဘာသာရပ်တစ်ခုသင်ဖို့ လာပြီးတာဝန်ကျသေးတယ်။ သူ့အချိန်ဆို သူသူနဲ့ကျွန်မ ဘယ်နေရာရှောင်နေရမလဲပဲ စဉ်းစားနေခဲ့ကြတာ။ ကံကောင်းချင်တော့ သူက ကျွန်မတို့ကို မမှတ်မိတော့ဘူးလေ။ အဲဒါကလဲ ကျောင်းတုန်းက အမှတ်တရတစ်ခုပဲပေါ့။ အခုတော့ ပုံပြင်တစ်ပုဒ်ဖြစ်နေပြီလေ……

အထက်တန်းကျောင်း စာမေးပွဲအောင်တော့ သူသူနဲ့ ကျွန်မ ဂုဏ်ထူးနှစ်ခုစီနဲ့ အောင်ခဲ့ကြတယ်။ အမှတ်ပေါင်းသွားထုတ်တော့လဲ သူသူက ကျွန်မထက် ၁ မှတ်ပဲပိုသာတယ်။ ကျောင်းတက်ဖို့ လျှောက်လွှာဖြည့်တော့လဲ အတူတူဖြည့်ခဲ့ကြတယ်။ တက္ကသိုလ်ကျလာတော့လဲ ကွန်ပျူတာကို နှစ်ယောက်လုံးအတူတူကျလာတယ်။ ဒါပေမယ့် ကျွန်မက အဝေးသင်တက်ဖို့ခြေလှမ်းခဲ့ပေမယ့် သူသူကတော့ အိမ်ကတက်စေချင်တဲ့ ကွန်ပျူတာကိုပဲရွေးခဲ့တယ်။ ကျောင်းသာမတူတာ ကျွန်မတို့နှစ်ယောက် အနည်းဆုံးတစ်ပတ်မှာ တစ်ရက်တော့တွေ့ဖြစ်တယ်။ တခြားသူတွေနဲ့ ဖုန်းမပြောရရင် နေပါစေ။ ကျွန်မနဲ့သူသူက တစ်ပတ်ဖုန်းမပြောရရင် မနေနိုင်တဲ့ သူငယ်ချင်းတွေပေါ့။

ကျွန်မတို့နှစ်ယောက်က အကြိုက်ချင်းသိပ်တော့မတူကြပေမယ့် တွဲလို့ရတယ်။ တစ်ခါတစ်လေ အမြင်မတူကြပေမယ့် နောက်ဆုံးတော့ ဒီခရီးပဲသွားနေကြတာပါ။ တစ်ခါတစ်လေ အကြိုက်တူတာတွေရှိပေမယ့် ရန်ဖြစ်တယ်တော့ တစ်ခါမှမရှိဖူးဘူး။ အနေသာဝေးသွားမယ် နှစ်ယောက်က အမြဲမပြတ် အဆက်အသွယ်ရှိနေတယ်။ ကျွန်မတို့နှစ်ယောက် အတူတူရေးဖြစ်ခဲ့ကြတဲ့ စာမျက်နှာတွေထဲမှာ စာမျက်နှာတစ်ခုကလည်း တော်တော်လေး နေရာယူခဲ့ပါတယ်။ အဲဒီ့စာမျက်နှာကိုတော့ "စာမျက်နှာများထဲက စာမျက်နှာ" ဆိုတဲ့ခေါင်းစဉ်နဲ့ ရေးဖို့စီစဉ်ထားပါတယ်။

ထာဝရသူငယ်ချင်း

နရီ