"ကိုယ်
မသောက်ဖြစ်ခဲ့သော ဝိုင်"
အကြိမ်ကြိမ်အခါခါ
ထုတ်သုံးမိတဲ့
ဖြူစင်ခြင်းတွေကို
နေ့နေ့ညည
လျှော်ဖွတ်နေရလို့…
လက်တွေလည်း
အေးစက်ပြီး နူးနေပြီ။
အနှစ်နှစ်အလလ
ပျောက်ကွယ်နေတဲ့
ရယ်မောခြင်းတွေကို
အသက်ပြန်သွင်းဖို့
မကြာမကြာဆိုသလို
ဟာသကားတွေကြည့်ပြီး
လူလည်း
ဂျိုကာရုပ်ဖြစ်နေပြီ။
အကြိမ်ကြိမ်အခါခါ
ချုပ်ကိုင်ခံနေရတဲ့
နှလုံးသားတစ်ခု
လွတ်လပ်စွာသံစုံမြည်ဟီးဖို့
ခဏခဏ
ခရီးတွေ ထွက်ရပါများပြီး
လူလည်း
ဒဏ္ဍာရီခရီးသည်ကို ဖြစ်လို့။
အနှစ်နှစ်အလလကြာအောင်
သိမ်းထားရတဲ့
နှစ်ချို့နေတဲ့
ဝိုင် ပုလင်းကိုလည်း
ကိုယ်ဟာထိုင်ငေးရင်း…
သူ့ရဲ့
အရသာကို
စိတ်ကူးနဲ့
မြည်းစမ်းကြည့်နေတာ
အနှစ်နှစ်အလလကြာခဲ့ပေါ့။
(8.July.2016)
No comments:
Post a Comment