"လက်တစ်စုံ"
အဲဒီ့လက်တစ်စုံက ငယ်ငယ်က
အရုပ်တွေနဲ့ ကစားခဲ့ဖူးတယ်။ အဲဒီ့လက်တစ်စုံက ကျောင်းစာအုပ်တွေနဲ့လည်း ယဉ်ပါးခဲ့ဖူးတယ်။
အဲဒီ့လက်တစ်စုံက အရွယ်ရောက်လာတော့လည်း Computer ပေါ်မှာ ပြေးလွှားပျံသန်းခဲ့ဖူးတယ်။ အဲဒီ့လက်တစ်စုံက
Guitar လည်း တီးခတ်ခဲ့ဖူးတယ်။ အဲဒီ့လက်တစ်စုံက ဘောပင်ကိုင်ပြီးလည်း အနုပညာတွေကို ဖန်တီးခဲ့ဖူးတယ်။
အဲဒီ့လက်တစ်စုံက Camera ကိုင်ပြီး မြင်ကွင်းတွေကို ဘောင်ထဲထည့် ပြသခဲ့ဖူးတယ်။ အဲဒီ့လက်တစ်စုံက
မျက်မှန်တစ်လက်နဲ့လည်း အလုပ်ရှုပ်ခဲ့ဖူးတယ်။ အဲဒီ့လက်တစ်စုံက နိုင်ငံကျော်တွေနဲ့လည်း
နှုတ်ဆက်ခဲ့ဖူးတယ်။ အဲဒီ့လက်တစ်စုံက ရည်းစားစာလည်း ရေးခဲ့ဖူးတယ်။ အဲဒီ့လက်တစ်စုံက
After Shave Lotion ကိုလည်း လက်ပေါ်တင်ခဲ့ဖူးတယ်။ အဲဒီ့လက်တစ်စုံက ဘတ်စ်ကားလည်း တွဲစီးခဲ့ဖူးတယ်။
အဲဒီ့လက်တစ်စုံက Microphone နဲ့လည်း သူငယ်ချင်းဖြစ်ခဲ့ဖူးတယ်။ အဲဒီ့လက်တစ်စုံက
Maker Pen တွေနဲ့လည်း ကြည်နူးခဲ့ဖူးတယ်။ အဲဒီ့လက်တစ်စုံက တစ်ခါတစ်လေ Laptop ကိုင်ပြီး
ငြိမ်နေတတ်တယ်။ တစ်ခါတစ်လေ Phone ကိုင်ပြီး ဟိုနှိပ်ဒီနှိပ် လုပ်တတ်တယ်။ တစ်ခါတစ်လေ
Passport ကိုင်ပြီး လျှောက်သွားနေတတ်တယ်။ အဲဒီ့လက်တစ်စုံက တစ်ခါတစ်လေ တူတစ်စုံကိုကိုင်ပြီး
မုန့်ခွံ့ကျွေးတတ်တယ်။ အဲဒီ့လက်တစ်စုံက ဘုရား၊ တရားလည်း မြဲတယ်။ အဲဒီ့လက်တစ်စုံရဲ့
ဘယ်ဘက်လက်မှာတော့ လက်ထပ်လက်စွပ်မဟုတ်တဲ့ ဆင်တူလက်စွပ် တစ်ကွင်းကို ဝတ်ဆင်ထားခဲ့ဖူးတယ်။
အဲဒီ့လက်တစ်စုံက… အဲဒီ့လက်တစ်စုံက… သူ့ရဲ့ ကိုယ်ပိုင် မြို့တော်ကိုလည်း တည်ဆောက်ခဲ့ဖူးတယ်။
အဲဒီ့လက်တစ်စုံက သူ တည်ဆောက်ခဲ့တဲ့ မြို့တော်ကို ကိုယ်တိုင်ပဲ ဖျက်ဆီးခဲ့ဖူးတယ်။
အဲဒီ့လက်တစ်စုံ…
အဲဒီ့လက်တစ်စုံက… တစ်ချိန်က ကျွန်မ ယုယုယယနဲ့ ကိုင်ခွင့်ရခဲ့ဖူးတဲ့ လက်တစ်စုံ…
No comments:
Post a Comment