ကျွန်မနှင့် မြို့ရန်ကုန် လမ်းမပေါ်က အဖြစ်အပျက်များ (၁)

"ကျွန်မနှင့် မြို့ရန်ကုန် လမ်းမပေါ်က အဖြစ်အပျက်များ (၁)"

 

         ကျွန်မက နေ့ရက်တွေကို ဂရုတစိုက်နဲ့ မှတ်ထားလေ့မရှိတော့ အဲဒီ့ကောင်မလေးနဲ့ ဆုံတဲ့နေ့ကို သိပ်မမှတ်မိဘူး။ အဲဒီ့နေ့က ကျွန်မ HOME ရုံးခန်းက အိမ်အပြန်… ကုန်သည်လမ်း ကားဂိတ်မှာ ကားစောင့်နေတုန်း သူမနဲ့ ဆုံတွေ့ခဲ့တာပါ။ ဒါပေမယ့် သူမရဲ့ မျက်နှာလေးကို စိတ်ထဲမှာ အခုထိ မှတ်မိနေတယ်။ လမ်းအလည် ကားတွေကြားမှာ ပြာယာခတ်သွားတဲ့ သူမရဲ့ မျက်နှာလေး… စိုးရိမ်ထိတ်လန့်မှု၊ အကူအညီတောင်းတဲ့ မျက်ဝန်းတွေနဲ့ ဟိုကြည့်ဒီကြည့်… သူမက ဘာအလုပ်လုပ်တဲ့ မိန်းကလေးလည်းဆိုတာကို သူမ ကားလမ်းမကူးခင်တုန်းက ကျွန်မ မသိပါဘူး။ သူမက ပစ္စည်းတွေထည့်ထားတဲ့ ကျွတ်ကျွတ်အိတ်နှစ်အိတ်မှ တစ်အိတ်ကို လက်ကဆွဲ၊ နောက်တစ်အိတ်ကို ခေါင်းပေါ်မှာရွက်ပြီး မျဉ်းကျားကနေ လမ်းဖြတ်ကူးလာနေတယ်။ သို့ပေမယ့် ကားလမ်းကမရှင်းသေးတာကြောင့် သူမက လက်အညောင်းခံပြီး အိတ်ကို လက်ကဆွဲမထားဘဲ ခဏဘေးမှာ ချထားလိုက်တယ်။

           ကျွန်မလည်း သူမ မနိုင်မနင်းနဲ့သယ်လာနေလို့ သတိထားကြည့်နေမိတယ်။ ခဏနေတော့ သူမရဲ့ မျက်နှာ… ကျွန်မမြင်နေရတဲ့ အပိုင်းက သူမရဲ့ ခန္ဓာကိုယ်အပေါ်ပိုင်း။ ကားတွေနဲ့ဆိုတော့ ကျွန်မကြည့်နေပေမယ့် သူမဘာဖြစ်နေလဲဆိုတာ သေချာမမြင်ရဘူး။ တစ်ခုခုတော့လွဲနေပြီဆိုတာ သိပေမယ့် ဘာမှန်းမသိရသေးလို့ ကျွန်မ စပ်စုဖို့နေရာရွှေ့ကြည့်လိုက်တယ်။ ဟော်… သူမလက်ထဲကနေ ခဏချထားလိုက်တဲ့ ကျွတ်ကျွတ်အိတ်ထဲမှာ ပါလာတဲ့ ကွမ်းသီးစိပ်တွေ လမ်းပေါ်မှာပြန့်ကျဲနေတယ်။ သူမ ဘာလုပ်လို့ဘာကိုင်ရမလဲ မသိဖြစ်နေတဲ့အချိန်… လမ်းပေါ်မှာကားတွေနည်းနည်းရှင်းသွားပြီလေ။ ကျွန်မ ဘာကိုမှစဉ်းစားမနေတော့ဘဲ သူမဆီကို ရောက်သွားတယ်။ ကွမ်းစားတာကို ကျွန်မ မနှစ်မြို့ပေမယ့်… သူမ ဒါတွေကို ဒီလမ်းမပေါ်မှာ ထားခဲ့မယ်ဆိုရင် သူမအတွက် စီးပွားရေးအဆင်ပြေပါ့မလား ဆိုတဲ့အတွေး ကျွန်မခေါင်းထဲ ရောက်လာတယ်။

          ဘာဖြစ်တာလဲလို့ မမေးရသေးချင်ဘဲ ကားတစ်စီး ဝင်တိုက်သွားတယ်လို့တော့ ကျွန်မကယူဆတယ်။ ဟုတ်ပါတယ်။ ကားတစ်စီးက ကျွတ်ကျွတ်အိတ်ကို ပွတ်တိုက်မိပြီး ငြိပြီးအိတ်ပြဲသွားတယ်။ အဲဒီ့မှာပဲ ကွမ်းသီးစိပ်တွေ ကျွတ်ကျွတ်အိတ်ထဲက ထွက်ကျလာကြတယ်။ တစ်ချို့တစ်ဝက်က လမ်းမပေါ်မှာကျနေပေမယ့် တစ်ချို့ကတော့ အိတ်ထဲမှာကျန်နေခဲ့သေးတယ်။ အပေါ်ဘက်က ကွမ်းသီးစိပ်တွေက မြေကြီးနဲ့ မထိတော့ ပြန်သုံးလို့ရမယ်လို့တော့ ကျွန်မထင်မိတယ်။ သို့ပေမယ့် ဒါက သူမကိစ္စပါ။ ကောင်းနေသေးတဲ့ ကွမ်းသီးစိပ်တွေအတွက် အိတ်တစ်လုံးယူလာခဲ့ဖို့ သူမကိုမှာလိုက်ပြီး ကျွန်မဒီမှာစောင့်နေပေးမယ်လို့ ကတိပေးလိုက်တယ်။ ကျွန်မက လမ်းအလည်ခေါင်မှာ ဒီကွမ်းသီးစိပ်တွေကို နောက်ထပ်ကားတွေမတိုက်မိ၊ မကြိတ်မိအောင် မတ်တပ်ရပ်ပြီး ယာဉ်ထိန်းရဲ လုပ်နေတုန်း သူမကတော့ ခေါင်းပေါ်ရွက်ထားတဲ့ ကွမ်းသီးအိတ်ကို လမ်းဘေးမှာ အပြေးသွားချတယ်။

          ကားတွေက မီးပွိုင့်လွှတ်လိုက်ရင် ထုနဲ့ဒေးအပြိုင်မောင်းထွက်လာနေကြတော့ ကျွန်မလည်း နည်းနည်းတော့ ရှိန်တာပေါ့။ နောက်ပြီး ကားတွေက တစ်လမ်းမောင်းဆိုတော့ သတ်မှတ်ထားတဲ့ မျဉ်းဖြူအတိုင်းမမောင်းဘဲ မျဉ်းဖြူကို ခွမောင်းတဲ့ ကားတွေက ရှိသေးတယ်။ ဒါပေမယ့် လူတစ်ယောက်လုံး လမ်းမအလည်မှရပ်နေတာဆိုတော့ ကားတွေတော်တော်များများက အရှိန်လျှော့မောင်းကြပါတယ်။ တစ်ချို့ကားမောင်းသမားတွေက ကျွန်မနဲ့ ကွမ်းသီးစိပ်ပုံကြီးကို သေချာကြည့်သွားကြတယ်။ တစ်ချို့ကတော့ နားမလည်တဲ့ မျက်နှာထားတွေနဲ့ ရယ်ပြီးထွက်ခွာသွားကြတယ်။ ခဏကြာတော့ သူမက ကျွတ်ကျွတ်အိတ်သစ်တစ်လုံးနဲ့ ပြန်ရောက်လာတယ်။

          ကျွန်မတို့အချိန်ဆွဲမနေတော့ဘဲ မြန်မြန် မြန်မြန် ကောက်ပြီး ကွမ်းသီးစိပ်တွေကို ထည့်ကြတယ်။ အဲဒီ့အချိန်မှာပဲ… အနားကို ကားတစ်စီး အရှိန်နဲ့အတင်းဝင်လာတယ်။ ကျွန်မတို့နှစ်ယောက်လုံးက ပစ္စည်းကိုပဲ ကုန်းပြီးထည့်နေကြတော့ ကားလာနေတာမသိလိုက်ဘူး။ အဲဒီ့အချိန်မှာ ကျွန်မအနားကို အဒေါ်ကြီးတစ်ယောက် ရောက်လာပြီး ကားကို လက်ပြတားလိုက်တယ်။ ကားက အရှိန်နဲ့လာနေတော့ ဘရိတ်ဖမ်းလိုက်တာ ကျွီ… ဆိုတဲ့ အသံကျယ်ကြီးထွက်သွားတော့မှ ကျွန်မတို့နှစ်ယောက် တစ်ယောက်မျက်နှာတစ်ယောက် ကြည့်လိုက်ကြတယ်။ အဲဒီ့အဒေါ်ကြီးရဲ့ ကျေးဇူးကြောင့် ကျွန်မတို့ဘေးကင်းသွားကြတယ်။ အဲဒီ့အဒေါ်ကြီးက အခုတော့ ယာဉ်ထိန်းရဲတာဝန်ကို ယူပြီး ကျွန်မတို့နှစ်ယောက်ကတော့ ကွမ်းသီးစိပ်တွေကို သိမ်းကျုံးကောက်ထည့်နေတယ်။

          ကတ္တရာလမ်းနဲ့ထိနေတဲ့ ကွမ်းသီးစိပ်တွေကိုတော့ ကျွန်မတို့မကောက်ဘဲ အပေါ်ယံကိုပဲ ယူပြီးကောက်ခဲ့ကြတယ်။ သူမက အခုတော့ အနည်းငယ်ပြုံးနိုင်ပြီလေ။ ကျွန်မနဲ့ တရုတ်အဒေါ်ကြီးကို သူမက ကျေးဇူးတင်စကားပြော နှုတ်ဆက်ပြီး ကျွန်မမြင်ကွင်းနဲ့ ဝေးရာကို တရွေ့ရွေ့ထွက်ခွာသွားတယ်။ ကျွန်မလည်း အဲဒီ့အန်တီကို ကျေးဇူးတင်စကားပြောပြီး ကားဂိတ်ဆီကို ပြန်လာခဲ့တယ်။ အိမ်ပြန်နောက်ကျရင် ကားတွေကျပ်တတ်ပေမယ့် ဒီနေ့တော့ ကျွန်မနောက်ကျခံပြီး သူမကိုကူညီလိုက်တယ်။ အကြီးအကျယ်ကြီး ကူညီလိုက်တာမျိုး မဟုတ်ပေမယ့် ကျွန်မ အပြုံးပန်းတော့ ဝေခဲ့တယ်။

တစ်ခါတစ်လေကျတော့ ပတ်ဝန်းကျင်ဆိုတာ လဲနေသူ ထူပေး၊ အားနည်းသူ အားပေးကူညီဆိုတဲ့ စကားတွေနဲ့ သိပ်ကိုလိုက်ဖက်ပါတယ်။ အရင်က ကျွန်မသူများကို ကူညီဖို့ ဝန်လေးနေတတ်တယ်။ ဘာကြောင့်လဲဆိုတာကိုတော့ အဖြေရှာမတွေ့ခဲ့ဘူး။ သို့ပေမယ့် ကျွန်မစိတ်ထဲက လှိုက်လှိုက်လှဲလှဲ ကူညီမှုလေး ပေးလိုက်ရလို့ထင်တယ် အဲဒီ့နေ့နောက်ပိုင်းမှာ ကျွန်မ သူတစ်ပါးကို ကူညီဖို့ ဝန်မလေးတော့ဘူး။ အသေးအဖွဲလေးပဲဖြစ်ဖြစ်၊ ကြီးကြီးကျယ်ကျယ်ကြီးပဲဖြစ်ဖြစ် ကူညီနိုင်သလောက် ကူညီလိုက်တာကိုက တစ်ခြားသူကို ကူညီရာရောက်ပါတယ်။ တစ်ခါတစ်လေတော့ လူတွေပြောပြောနေတဲ့ "ကိုယ့်ကိစ္စကိုယ်ပဲ ဂရုစိုက်စမ်းပါကွာ… သူများကိစ္စထဲ ဝင်မပါစမ်းပါနဲ့။" ဆိုတဲ့စကားကို ဖြိုသင့်တဲ့ နေရာမှာ ဖြိုပစ်ရမယ်လို့ ကျွန်မယုံကြည်တယ်။ အခုလို ကိစ္စမျိုးမှာ "ငါမကူညီလဲ ရပါတယ်၊ တခြားသူ ကူညီလိမ့်မယ်" ဆိုတဲ့ အတွေးမျိုး တွေးတာထက် "ငါသာမကူညီရင် သူမတော့ ဒုက္ခရောက်တော့မှာပဲ" ဆိုတဲ့ အတွေးမျိုးတွေးတာပိုကောင်းပါတယ်။

နောက်နောင်လည်း ကူညီစရာရှိရင် ဝန်လေးမနေတော့ဘဲ ကိုယ်နိုင်သလောက် ကူညီဖို့ ကျွန်မ အဆင်သင့်ဖြစ်နေပါပြီ။