အကောင်သေးတယ် အဆိပ်ပြင်းတယ်

"အကောင်သေးတယ် အဆိပ်ပြင်းတယ်"

ဒီအဖြစ်အပျက်လေးက လွန်ခဲ့တဲ့ ၆ နှစ်လောက်ကဖြစ်ခဲ့တဲ့ ဇာတ်လမ်းလေးပါ…

ဒီနှစ် သင်္ကြန်ကို အင်းယားလမ်းနဲ့ တက္ကသိုလ်ရိပ်သာလမ်းတွေမှာ အချိန်ကုန်ဖို့အတွက် အိမ်က အဖေနဲ့အမေ့ကို ပူဆာစရာမလိုဘဲ ကျွန်မဆန္ဒတွေ ပြည့်ဝခဲ့တယ်။ အခင်ဆုံး သူငယ်ချင်း သူသူ အပြင်အခြားသူတွေလည်း ပါတော့ပိုပြီးပျော်ဖို့ကောင်းလိမ့်မယ်လို့ထင်မိတယ်။ ကလေးပဲရှိသေးတဲ့ ကျွန်မကို တစ်ယောက်တည်း အပြင်လျှောက်လည်ဖို့ အိမ်က ခွင့်မပြုဘူးလေ။ ဒါကြောင့် မိဘတွေနဲ့အတူ အပြင်ထွက်လည်ရတာကိုက ကျွန်မအတွက်တော်တော်လေးကို ပျော်ဖို့ကောင်းနေပြီ။ တက္ကသိုလ်ရိပ်သာလမ်းမှာ အသိအဒေါ်ကြီးတွေရဲ့ ဆိုင်ရှိတော့ အဲဒီ့မှာရေပက်ရင်း အချိန်ကုန်လေ့ရှိတာပေါ့။ ကျွန်မတို့ရေလောင်းခံချင်ရင်တော့ အင်းယားလမ်းထဲကို လမ်းလျှောက်ကြတယ်။ အဲ့လိုပဲ အချိန်တွေကုန်ခဲ့တာ သင်္ကြန်အတက်နေ့ကို ရောက်လာပြီ။

အဲဒီ့နေ့မနက်မှာတော့ အသိအဒေါ်ကြီးတွေဆိုင်မှာ မထိုင်ဖြစ်ကြတော့ဘဲ နောက်အပတ်ထဲမှာ မေမြို့သွားမှာမို့လို့ ကားလက်မှတ်သွားဝယ်ဖြစ်ကြတယ်။ အဲဒီ့ကအပြန် အင်းယားလမ်းမှာပဲ ရေပက်ခံမယ်ဆိုပြီး တက္ကသိုလ်ရိပ်သာလမ်း ရန်ကုန်တက္ကသိုလ် အရှေ့လောက်မှာ ကားကို ရပ်ထားခဲ့ပြီး ကျွန်မတို့အဖွဲ့ ချီတက်ခဲ့ကြတယ်။ အမေနဲ့အဖေ့ဆီမှာပဲ ပိုက်ဆံတွေကပါကြတယ်။ ကျွန်မတို့ကလေးတွေကတော့ ဘာပိုက်ဆံမှမယူလာကြဘူး။ အဲ့လိုနဲ့ လူအုပ်တွေကြားထဲ စပြီးလမ်းလျှောက်တော့ အမေက အရှေ့ကသွားတယ်။ ကျွန်မတို့တွေက အလည်က။ ကျွန်မအဖေက နောက်ဆုံးကနေ လိုက်လာတယ်။ ခဏနေတော့ အဖေက အမေ့ကို လှမ်းခေါ်တယ်။ ပိုက်ဆံတွေနဲ့ ဖုန်း ရေဆိုမှာစိုးရိမ်လို့ သူ့ကိုပေးထားဖို့ အဖေကပြောတယ်။ 

အဲ့ဒါနဲ့ အမေကလည်း လှမ်းပြီးပေးလိုက်တယ်။ ကျွန်မတို့ကတော့ အပူအပင်ကင်းကင်းနဲ့ အမေနဲ့အဖေ့ကြောင့် လုံလုံခြုံခြုံနဲ့ ရေဆိုခံနေကြတယ်။ ခဏနေတော့ ကျွန်မ သတိတရနဲ့ အဖေ့ကို လှည့်ကြည့်မိတယ်။ အဖေ နေကာမျက်မှတ်တပ်မထားတော့။ မျက်နှာလည်း ပျက်နေပြီ။ ဘာလို့လဲဆိုတာ မသိပေမယ့် ကျွန်မအမေ့ကို လှမ်းအော်ခေါ်လိုက်တယ်။ အမေကအလောတကြီးနှင့် အဖေ့ကိုမေးနေတယ်။ မျက်မှန်များပျောက်သွားပြီလားဆိုပြီးတော့ပေါ့။ ဒါပေမယ့်…အဖေက ခေါင်းခါတယ်။ မျက်မှန်ကသူ့လက်ထဲမှာရှိနေတယ်။ ဒါကြောင့် ဘာဖြစ်သလဲလို့ အမေက နောက်တစ်ခေါက် ထပ်မေးတော့မှ ပိုက်ဆံအိတ် ခါးပိုက်နှိုက်ခံလိုက်ရကြောင်းပြောတယ်။ အမေ ဒေါသပုန်ထပြီလေ။ သူ ယူထားလျှင်ယခုလို ဖြစ်မှာ မဟုတ်ဘူးဟု ထပ်ခါထပ်ခါပြောနေတော့တယ်။

ဒီတော့မှအဖေက ဘာတွေပါသွားသေးလဲဟု မေးလေရာ ပိုက်ဆံများအပြင်၊ ဖုန်းနှင့် မှတ်ပုံတင်များပါသွားကြောင်း အမေက ဝန်ခံပြောတော့တယ်။ ကားလက်မှတ်ဝယ်ရန်အတွက် လိုအပ်သောကြောင့် အမေ့မှတ်ပုံတင်နှင့် ကျွန်မ၏ (၁၂)နှစ်ပြည့် မှတ်ပုံတင်များ ထည့်ထားသည်ဟု အမေကပြောတယ်။ သွားပါပြီ…ကုန်ပါပြီ။ တော်သေးတာက အဖေ့မှတ်ပုံတင်ပါမသွားခြင်းပင်။ ကျွန်မအဖေက ကပြားဖြစ်သောကြောင့် ယခုအခါတွင် မှတ်ပုံတင်လုပ်ရန်အလွန်ခက်ခဲသည်ဆိုတာ လူတိုင်းသိကြမှာပါ။ အခုတော့ သင်္ကြန်ကြီးက ကျွန်မအတွက် ပျော်စရာမကောင်းတော့။ အဖေနှင့်အမေတို့သွားရာနောက်သို့သာ ကျွန်မတို့ကလေးအဖွဲ့လိုက်ရတော့တယ်။ ကမာရွတ်ရဲစခန်းသို့ ကားကိုမောင်းသွား၍ အမေက အမှုဖွင့်တယ်။ ရဲစခန်းကတော့ မအံ့သြတဲ့ ပုံစံများဖြင့် ရယ်ပြုံးလျက် တုန့်ပြန်လိုက်သည်က…

"အစ်မကြီးတို့ကတောင် နောက်ကျနေသေးတယ်ဗျာ၊ အစ်မကြီးတို့လို လူတွေအမှုလာဖွင့်တာ ဒါနဲ့ဆို (၄၁) မှုတောင် ရှိသွားပြီဗျ" ဆိုတဲ့ အသံက ဝမ်းနည်းတဲ့ အသံတစ်စက်ကလေးမျှမပါပေ။

ထို့နောက်တွင်တော့ ဖုန်းရုံးသို့ hand phone ကို ပိတ်ထားရန် ဖုန်းဆက်အကြောင်းကြား ထားလိုက်တယ်။ အဖေနှင့်အမေက တစ်ခုခုကို ကြိုတင်သိနေသည့် ပုံစံဖြင့် နောက်ဆုံးတော့ အိမ်ပြန်လာကြတယ်။ အဲ့လိုမျိုးအဖြစ်အပျက်တွေက ဘယ်တော့မှကို ပြန်မရတဲ့ အဆုံးခံရမယ့် အဖြစ်မျိုးဖြစ်နေပြီလေ။ နောက်တစ်ပတ်ထဲမှာလည်း ကျွန်မတို့မိသားစုက မေမြို့ကို ခရီးထွက်ကြမှာ။ အဲဒီ့အတွက်ကြောင့် ကျွန်မအမေ အလုပ်ရှုပ်လေနေပြီ။ မေမြို့သို့ကားဖြင့်သွားလျှင် နေပြည်တော်ကိုဖြတ်သန်းသွားရသည်မှာ လူတိုင်းသိထားကြသည့် အကြောင်းအရာပင်။ ထို့အပြင် အဲဒီ့အချိန်အခါကဆိုလျှင် နေပြည်တော်၌လာသမျှ ဘတ်စ်ကားများကို ရပ်ခိုင်း၍ မှတ်ပုံတင်စစ်ဆေးရေးလုပ်သည်မှာ မလွဲပေ။ ထို့အတွက်ကြောင့်အမေအလုပ်ရှုပ်ခြင်းဖြစ်သည်။

မှတ်ပုံတင်ကို တစ်ပတ်အတွင်းလုပ်လို့မရသောကြောင့် ရပ်ကွက်ရုံးနှင့် ရဲစခန်းများသို့ သွားရောက်၍ နေထိုင်ကြောင်းထောက်ခံစာနှင့် မှတ်ပုံတင်ပျောက်ဆုံးနေကြောင်း၊ ယခုသွားမည်မှာ မေမြို့သို့ဖြစ်ကြောင်း စသည်စသည်များကို အတိအလင်းရေးသားထားသော စာများကို လိုက်လံတောင်းခံနေရပြီ။ နောက်ဆုံးတော့ အဲဒီ့ထောက်ခံစာများဖြင့် ကျွန်မတို့ ခရီးထွက်လာခဲ့တယ်။ နေပြည်တော်ရောက်တော့ စစ်ဆေးရေးဂိတ်၌ အမျိုးသမီးများ သီးသန့်၊ အမျိုးသားများ သီးသန့်ဟု ဆိုင်းဘုတ်များကပ်ထား၍ ကျွန်မအမေနှင့် ကျွန်မတစ်တွဲတည်း အစစ်ဆေးခံကြတယ်။ အဲဒီ့မှာတာဝန်ကျတဲ့ လူက မှတ်ပုံတင်တောင်းသောအခါ၌ အမေက ထောက်ခံစာပြလိုက်သောကြောင့် အေးအေးဆေးဆေးနှင့် အဆင်ပြေသွားတယ်။ ကားပေါ်ပြန်ရောက်မှာသာ ကျွန်မ နှစ်နှစ်ခြိုက်ခြိုက် အိပ်လျက် လိုက်ပါလာခဲ့တော့တယ်။

မေမြို့၌ တစ်ပတ်ကျော်ကျော်လောက် နေပြီးနောက်တော့ ကျွန်မတို့မိသားစုပြန်လည်ထွက်ခွာ လာခဲ့ကြတယ်။ ကားလက်မှတ်ကိုတော့ ဦးလေးများ၏အကူအညီဖြင့် ကြိုတင်ဝယ်ထားပြီး၍ အဖေနှင့်အမေ အလုပ်သိပ်မရှုပ်တော့။ အပြန်လမ်းတွင်လည်း ကျွန်မမှာ နေပြည်တော်သို့မရောက်မချင်း အိပ်မပျော်နိုင်။ အိပ်ပြန်လျှင်လည်း ပြန်နိုးရဦးမည်ကို မကြိုက်သောကြောင့် အိပ်ကိုမအိပ်ဘဲ အဲဒီ့ စစ်ဆေးရေးဂိတ်ရောက်ဖို့ကိုသာ စောင့်နေခဲ့တယ်။ နောက်ဆုံးတော့ ကျွန်မစောင့်စားနေတဲ့ နေရာကို ကျွန်မတို့ ဘတ်စ်ကား ဆိုက်ရောက်ပါပြီ။ သို့ပေမယ့် ကျွန်မတို့၏ အရှေ့၌ဘတ်စ်ကား (၃)စီးလောက်က ကြိုတင်နေရာယူထားသည့်အတွက် ရှည်လျားသော အတန်းရှည်ကြီးကို စီတန်းရင်း စောင့်နေရတယ်။

အိပ်ကလည်းအိပ်ချင်၊ မတ်တပ်ရပ်ရသည်ကလည်း ကြာလာတော့ ကျွန်မ စိတ်သိပ်မရှည်တော့ပေ။ စောင့်ရင်း ရွေ့ရင်းနှင့်ပင် ကျွန်မတို့အစစ်ဆေးခံဖို့အလှည့် ရောက်လာတယ်။ အဲဒီ့မှာစစ်ဆေးရေးလုပ်နေတဲ့ သူတွေက စစ်သားလား၊ ရဲသားလားဆိုတာကိုတော့ သေချာမသိ။ ဘာလို့ဆိုသူက ယူနီဖောင်းမှမဝတ်ထားတာ။ ထားပါတော့…အဲဒီ့လူက မှတ်ပုံတင်ပြဖို့တောင်းတော့ ကျွန်မအမေက ထောက်ခံစာကို ထုတ်ပြလိုက်တယ်။ အဲဒီ့လူက ထောက်ခံစာကို မီးမှိန်မှိန်အောက်မှာ ဂရုတစိုက်နှင့် ဖတ်ကြည့်ပြီးသည့်နောက် ကျွန်မတို့ကိုကြည့်လျက် သူက ဒီလိုမေးသည်…

"မေမြို့သွားတာ ဘယ်လိုလုပ် ဒီရောက်နေတာလဲ" 

ကျွန်မ အဲဒီ့စကားကြားကြားချင်း အရမ်းကို ဒေါသထွက်သွားတယ်။ အမေဆီမှ ဘာစကားလုံးမှထွက်ကျမလာခင်… ကျွန်မဆီမှ စကားလုံးတစ်ချို့လွှတ်ကနဲထွက်သွားတယ်။

 "ဟ…ရူးနေလားဗျ၊ မေမြို့ကို ဒီလမ်းက မသွားလို့ ဘယ်လမ်းက သွားရမှာလဲ၊ ဟင်း…မမေးခင် သေချာလည်း စဉ်းစားဦး။" 

တခြားသူများကို ကျွန်မ ဂရုမစိုက်ဘဲပြောလိုက်ပေမယ့် နောက်မှစောင့်နေကြသူများကတော့ ကျွန်မစကားကို ကြား၍ အဲဒီ့လူကို လှောင်ရယ် ရယ်ကြတယ်။ ကျွန်မလည်း ဒေါသထွက်ထွက်နှင့်သာ ပြောလိုက်ပေမယ့် ပြောပြီးမှ ရယ်ချင်စိတ်တွေ တဖွားဖွားပေါ်လာတယ်။ စဉ်းစားကြည့်လေ… မေမြို့တို့၊ မန္တလေးတို့ကို သွားတဲ့ ဘတ်စ်ကားတွေက ဒီလမ်းအသစ်ကြီးဖောက်ပြီးကတည်းက ဒီလမ်းကပဲသွားကြတာမဟုတ်လား။ လမ်းဟောင်းကသွားတာဆိုလို့ ကုန်တင်ကားတွေပဲရှိတော့တာကို။ ဒီလူကတော့ ဘာတွေလာမေးနေလဲမသိဘူး။ ကြောင်တောင်တောင်နဲ့ ဆရာကြီးလာလုပ်ချင်နေသေးတယ်။

အဲဒီ့လူက နောက်မှခေါင်းတညှိတ်ညှိတ်နဲ့ စာရွက်ကို လက်ထဲပြန်ထည့်ပြီး ကျွန်မကို သေချာကြည့်လိုက်တယ်။ ကျွန်မလည်း ဂရုမစိုက်ပါဘူး။ ကိုယ်ပြောချင်တာပြောလိုက်ရလို့ နည်းနည်းတော့ ကျေနပ်သွားသည့် မျက်နှာထားမျိုးဖြင့် လမ်းလျှောက်ထွက်လာခဲ့တယ်။ ကားပေါ်ပြန်တက်တော့ အမေက အဖေ့ကို အဲ့ဒီအကြောင်းပြောပြတယ်။ အဖေကတော့ ကျွန်မကို ကြည့်ပြီးရယ်လိုက်တာ။ အဖေရယ်တော့ ကျွန်မက ကျွန်မများ မှားနေလို့လားဆိုပြီး အဖေ့ကိုတောင် သေချာရှင်းပြလိုက်သေးတယ်။

"ဒယ်ဒီပဲစဉ်းစားကြည့်လေ… သူတို့လူတွေပဲ ရှိတဲ့ နေပြည်တော်ကို အားအားယားယား လာတယ်များ မှတ်နေလားမသိဘူး၊ ဖြစ်နိုင်ရင်ဒီလိုနေရာမျိုးကတောင် ဖြတ်သွားချင်တာမဟုတ်ဘူး။ ဘယ်လိုဟာတွေလဲမသိဘူး၊ မေမြို့သွားပါတယ်ဆိုမှ ဒီကိုဘယ်လိုရောက်နေတာလဲတဲ့...ဦးနှောက်ပဲ...တကယ်။" 

အမှန်တကယ်ဆို အဲဒီ့လူကို ဒီထက်ပိုပြီးပညာပေးခဲ့ရမှာဟုသာ တွေးရင်း ကျွန်မ ရန်ကုန်သို့လိုက်ပါလာတော့တယ်။