စာကြောင်းလေးတစ်ခုနဲ့ ဇာတ်လမ်း

" စာကြောင်းလေးတစ်ခုနဲ့ ဇာတ်လမ်း"

“Yourself, what [you] don’t want don’t do to others!”

ဒီစာကြောင်းလေးက ကျွန်မအကြိုက်ဆုံးစာကြောင်းတွေထဲက တစ်ခုပါပဲ။ ဒီစားသားက ဘာကိုပြောချင်တာလဲဆိုတော့ “သင်ကိုယ်တိုင် မလိုချင်တဲ့အရာကို သူများကိုလဲမလုပ်မိပါစေနဲ့” ဒီစာကြောင်းလေးကို အင်တာနက်မှာ တရုတ်အတွေးအခေါ်နဲ့ ပတ်သတ်ပြီးရှာရင်းနဲ့ တွေ့ခဲ့တာပါ။ ဒီစာကြောင်းလေးကို ကျွန်မရှာတွေ့တာ သိပ်မကြာသေးပါဘူး။ ဒီစာလေးကို ကျွန်မ ဘယ်လောက်တောင် နှစ်သက်မိလဲဆိုရင် ကျွန်မရဲ့အခန်းတံခါးဝမှာကို ကပ်ထားပါတယ်။ တစ်ခါတစ်လေ သူငယ်ချင်းတွေကိုတောင် ဒီစာလေးနဲ့ပတ်သတ်ပြီး ပြောပြဖြစ်ပါတယ်။ အခုတော့ ကျွန်မရဲ့ ဘလော့မှာ ရေးဖို့အတွက် အခြေအနေပေးလာခဲ့ပါပြီ။ ဒီစာကြောင်းလေးကို အသက်ပိုဝင်စေတဲ့ ဇာတ်လမ်းလေးတစ်ပုဒ် ရှိပါတယ်။

"အချစ် ကို ပြောမယ်။ ကို ရန်ကုန်ကိုလာလို့မရတော့ဘူး။ အချစ်ဆီကို လာချင်တာ အချစ်သိပါတယ်။ ဒါပေမယ့် ကို့အမေကမလွှတ်ဘူးတဲ့။ ကို ဘယ်လိုလုပ်ရပါ့မလဲ အချစ်" ဟု ကျွန်မချစ်သူက ကျွန်မကိုပြောလာသည်။ "ရန်ကုန်မှာ တင်ဆက်မှုအစီအစဉ်တစ်ခုရှိလို့ လာရမယ့်ဟာကို ဘာလို့အမေကမလွှတ်တာလဲ။ မလာမနေရလေ ကိုကလဲ" ဟု ကျွန်မစိတ်ဆိုးစွာနဲ့ Gtalk မှာပြန်ပြောလိုက်သောအခါ….သူက "ကို့အမေက ကို့တို့နှစ်ယောက်အကြောင်းကို သိသွားပြီ။ ရန်ကုန်ကို သူမပါဘဲ မသွားရဘူးတဲ့" ကျွန်မစိတ်ခုသွားပြီ။ ဘာ့ကြောင့်သူမပါရင် မလာရဘူးလို့ပြောရတာလဲ။ ကိုယ့်သားကို ကိုယ်မယုံကြည်နိုင်ဘူးလား။ ဒါမှမဟုတ် သူက ကျွန်မကိုပဲ မယုံကြည်နိုင်တာလား။ ကျွန်မရဲ့ မာနနဲ့ သိက္ခာကိုပါ ထိပါးလာသည်ဟု ကျွန်မတွေးလိုက်သည်။ ကျွန်မ ဝမ်းနည်းမိသည်။ ကျွန်မဘဝမှာ ဒီလိုမျိုးကြားဖူးတာ ပထမဆုံးအကြိမ် ဖြစ်သည်။ "ကို…ဒီလိုသာဆိုရင်တော့ အချစ်ကို မေ့လိုက်ပါတော့။ အချစ်နဲ့ကိုနဲ့က ဘယ်လိုမှ လက်တွဲလို့ရတော့မှာ မဟုတ်ပါဘူး" ကျွန်မ ရိုက်ချင်သလို ပြန်ရိုက်လိုက်ပြီး သူပြန်ပြောတာကို ကျွန်မစောင့်မနေတော့ဘဲ Gtalk မှ ထွက်လိုက်ပြီး အိမ်ကိုပြန်လာခဲ့သည်။

အိမ်ကိုရောက်ပြီး သိပ်မကြာခင်မှာပဲ အိမ်ဖုန်းမြည်လာတယ်။ ကျွန်မပဲပြေးပြီးကိုင်လိုက်တော့ "မမလားဟင်" တဲ့။ ကျွန်မသိလိုက်ပါပြီ။ သူ့ညီမအသံဆိုတာကို။ "အင်း ဟုတ်တယ် ညီမလေးပြောလေ။ ဘာဖြစ်လို့လဲ" ဆိုတော့ သူက "ကိုကို ဆိုင်ကယ်တိုက်လာလို့ပါ" တဲ့။ ကျွန်မတော်တော်လေး ထူပူသွားခဲ့သည်။ ဘယ်ကစပြီးပြောရမလဲ စဉ်းစားနေတုန်းမှာပဲ သူ့ညီမက "ကိုကို ဘာမှတော့သိပ်မဖြစ်ပါဘူး။ အခုခြေတွေလက်တွေဆေးနေတယ်။ ခဏလေးနော်" ဆိုပြီး ကျွန်မကိုစောင့်ခိုင်းထားကာ ဘယ်ပျောက်သွားသည်မသိ။ ကျွန်မပြန်တွေးနေမိသည်။ ကျွန်မသူ့ကို ဒုက္ခပေးလိုက်မိပြီလား။ ကျွန်မဘာလုပ်ရပါ့မလဲ ဟု စဉ်းစားနေတုန်းမှာပဲ သူဖုန်းလာကိုင်သည်။ 

ကျွန်မရဲ့ စိုးရိမ်စိတ်တွေဟာ မေးခွန်းတွေအဖြစ်ထွက်ကျလာသည်။ "ဘာလို့အဲဒီ့လောက်တောင် ဖြစ်သွားရတာလဲ။ ဘယ်နားမှာ ဖြစ်ခဲ့တာလဲ။ ဘယ်နားထိသွားသေးလဲ။ ပြန်ပြောဦးလေ" ဆိုတော့ သူက "ကိုဘာမှမဖြစ်ပါဘူး။ စိတ်မပူပါနဲ့။ လမ်းဘေးမှာရပ်ထားတဲ့ ဆိုင်ကယ်ကို ဝင်တိုက်မိပြီး ဘေးက ဆိုင်တစ်ခုထဲကို ဝင်သွားတာ။ ဒူးခေါင်းနဲ့ လက်မှာပဲ နည်းနည်းပွန်းမိသွားတာပါ။ တခြားနေရာတွေ ဘာမှမဖြစ်ပါဘူး" တဲ့။ ကျွန်မနည်းနည်းတော့ ရင်အေးသွားသည်။ သို့သော်လည်း ကျွန်မ မကျေနပ်နိုင်သေးပါ။ သူဘာတွေတွေးနေလို့ ဒီလိုမျိုးရပ်နေတဲ့ ဆိုင်ကယ်ကို ဝင်တိုက်ရတာလဲ။ "နေစမ်းပါဦး။ ကိုက ဘယ်လိုဖြစ်သွားလို့ ဘေးကဆိုင်ကယ်ကိုတောင် ဝင်တိုက်ရတာလဲ" လို့ကျွန်မမေးလိုက်တော့ သူ မဖြေချင်ဖြေချင်နဲ့ ကျွန်မကို ပြန်တော့ဖြေရှာပါသည်။ "ကို ဆိုင်ကယ်စီးတုန်း မျက်ရည်တွေကျလာလို့ လက်တစ်ဖက်နဲ့ မျက်ရည်သုတ်နေတုန်း ဆိုင်ကယ်ယိုင်သွားလို့"

ကျွန်မနားလည်လိုက်ပါပြီ။ ကျွန်မအစကတည်းက သူ့အကြောင်းသိထားပြီးသားပါ။ ဒါပေမယ့် ဒီလောက်ထိဖြစ်သွားမယ်လို့ ကျွန်မလုံးဝမထင်ထားမိပါ။ ကျွန်မနှင့်ပတ်သတ်လျှင် သူသည် ခံစားလွယ်သော လူတစ်ယောက်ဖြစ်သည်ဆိုတာကို ကျွန်မသိပါသည်။ ဒါကြောင့်ကျွန်မသူ့ကို တောင်းပန်လိုက်မိသည်။ သူကကျွန်မကို ပြန်၍တောင်းပန်သည်။ "ကို့ကို နောက်ဆိုရင် အဲ့လိုမပြောပါနဲ့။ ကို့ကို အချစ်နဲ့ ပတ်သတ်ပြီးမေ့လိုက်ပါလို့ မပြောပါနဲ့နော်" တဲ့။ သူအရင်က ကျွန်မကို တောင်းဆိုလိုက်တဲ့ စကားလေးကိုပဲ ကျွန်မက အခု တခြားသူတစ်ယောက်ကို ထပ်ပြီး တောင်းဆိုလိုက်သည်။ အံ့ဩစရာပဲနော်။ 

ကျွန်မအမြင်တော့ ကျွန်မဝဋ္ဋ်လည်ပြီ ထင်ပါရဲ့။ ကျွန်မအခုမှခံစားမိတာက ကျွန်မလည်း "မေ့လိုက်ပါတော့" ဆိုတဲ့စကားကို တော်တော်မုန်းသည်။ သူ့ဆီက အဲဒီ့စကားကြားလိုက်ရတုန်းက ကျွန်မဘာပြန်ပြောရမလဲတောင် မသိခဲ့ဘူး။ အရင်က ကျွန်မအလွယ်တကူ ပြောလိုက်သော စကားတစ်ခွန်းကြောင့် တခြားသူတစ်ယောက် စိတ်ရောကိုယ်ပါ ထိခိုက်သွားခဲ့ရပါသည်။ အခုတော့ ကျွန်မအလှည့်ဖြစ်သွားပါပြီ။ ကျွန်မစိတ်ထဲတွင် ထိခိုက်နာကျင်မှုကို ခံစားလိုက်ရပြီ။ တကယ်တော့ ကျွန်မဒီလိုစကားမျိုးကို တစ်ခါမကသုံးခဲ့ပါသည်။ သို့သော် ကျွန်မကို တစ်ခါလေးပြောရုံနဲ့တင် ကျွန်မတော်တော်လေးကို ဝမ်းနည်းမိနေပြီ။

ဒီလိုတွေဖြစ်လာမယ်မှန်း ကြိုတင်သိခဲ့ရင် ကျွန်မအရင်ကတည်းက ဆင်ခြင်မိမှာပါ။ အခုမှ စာကြောင်းလေးက တော်တော်လေးနက်ပါလားဆိုတာကို ကျွန်မတွေ့ရှိလိုက်သည်။ ဒီလိုအဖြစ်အပျက်ကလေး ဖြစ်သွားမှ ဩော်…ကျွန်မ မကြိုက်နှစ်သက်တာကို သူများကိုလဲမလုပ်ရဘူးဆိုတာ ကျွန်မပိုလို့တော်နားလည်သွားခဲ့ပါပြီ။ “Yourself, what [you] don’t want don’t do to others!”  ဆိုတဲ့စာသားလေးက သိပ်ကိုအသုံးဝင်တဲ့စာသားလေးပဲ။ ဒီစာလေးကို သိရှိပြီးချိန်ကစပြီး ကျွန်မဆုံးဖြတ်လိုက်တာက ကိစ္စတစ်ခုခုလုပ်တော့မည်ဆိုလျှင် သက်ရောက်မှုကို ကျွန်မကိုယ်တိုင်ကကော လက်ခံနိုင်လို့လားဆိုပြီး သေချာစဉ်းစားပြီးမှ ရှေ့ဆက်တော့မည်။ 

ကျွန်မလိုအဖြစ်မျိုးကနေ ဝေးနိုင်ကြပါစေလို့ ဆုတောင်းပေးရင်း…. ဒီစာသားလေးရဲ့အကြောင်းကို ရေးသားလိုက်ပါသည်။

 "ကိုယ်ခံစားရမှာကို မလိုလားရင် သူများကိုလဲ ခံစားရအောင် မလုပ်ပါနဲ့။"